كەلبەتى جاس كورىنەتىن ادامدار ۇزاق ءومىر سۇرەدى ەكەن

None
None
 نۇرسۇلتان. قازاقپارات - ادامنىڭ سىرت كەلبەتىنە بايلانىستى قابىلدانعان جاستى دارىگەرلەر پاتسيەنت دەنساۋلىعىنىڭ جالپى كورسەتكىشى رەتىندە پايدالانادى.

ول 70 جاستان اسقان ادامدار اراسىندا ءومىر ءسۇرۋدى بولجايتىن قارتايۋدىڭ سەنىمدى بيوماركەرى بولىپ ەسەپتەلەدى ەكەن.

وڭتۇستىك دانيا ۋنيۆەرسيتەتىندە كاارە كريستەنسەن جەتەكشىلىگىمەن وتكەن زەرتتەۋشىلەر جەتى جىل بويى 70, 80 جانە 90 جاستاعى 387 جۇپ ەگىزدەرگە، ولاردىڭ قانشالىقتى جاس كورىنەتىنى مەن قانشالىقتى ۇزاق ءومىر سۇرەتىنىن بايلانىستىرۋ ءۇشىن زەرتتەۋ جۇرگىزگەن بولاتىن. ولار مەدبيكەلەردەن، سونداي- اق تاعىلىمگەر- مۇعالىمدەر مەن قۇرداستارىنان سۋرەتتەردەن ەگىزدەردىڭ ءبىرىنىڭ جاسىن انىقتاۋىن سۇرادى. سودان كەيىن بارلىعىنا ەگىزدىڭ ەكىنشى سىڭارىنىڭ سۋرەتىن كورسەتىپ، سولار جايلى سۇراستىردى.

زەرتتەۋ ەگىزدەردىڭ قايسىسى جاسىراق كورىنگەن بولسا، ادەتتە سونىڭ عۇمىر جاسى ۇزاعىراق بولاتىندىعىن دالەلدەدى. بۇل ەكى سەبەپپەن تۇسىندىرىلەدى:

ءبىرىنشىسى: د ن ق-دا تەلومەرلەر دەپ اتالاتىن فراگمەنتتەر بار. ولار جاسۋشالاردىڭ كوبەيۋ قابىلەتىن كورسەتەدى جانە ادامنىڭ جاس كورىنۋىنە وسى تەلومەردىڭ تىكەلەي قاتىسى بار. تەلومەرلەر ۇزىن بولعان سايىن، ادام جاس كورىنەدى جانە ول ۇزاق ءومىر سۇرەتىن بولادى.

ەكىنشى سەبەپ - ەگىزدەردىڭ ومىرلەرىنىڭ كۇردەلىلىگىنە بايلانىستى. بىلايشا ايتقاندا، بىرەۋى پاپكادان اۋىر ەشتەڭە كوتەرىپ كورمەگەن بولسا، ەندى ءبىرى ءومىر بويى قۇرىش قورىتقان بولۋى مۇمكىن. البەتتە، قۇرىش قورىتۋشى زەينەتكەر ەسەپشى زەينەتكەردەن الدەقايدا كارى كورىنۋى زاڭدىلىق بولار.

وسىلايشا، جاسى ۇلكەن كورىنەتىن ادامدار وزىنە مۇقيات قاراۋ كەرەك. ويتكەنى ءسىز نەعۇرلىم جاس كورىنسەڭىز، سوعۇرلىم ۇزاق ءومىر سۇرەدى ەكەنسىز.

 

سوڭعى جاڭالىقتار