سەلينوگرادتا قىرىق جىل بۇرىن شەرۋ وتكەن

None
None
نۇر-سۇلتان. قازاقپارات - نۇر-سۇلتان قالاسىندا قازاقستاندا العاشقى رۇقسات ەتىلمەگەن ميتينگ وسىدان تۇپ-تۋرا 42 جىل بۇرىن بۇرىنعى سەلينوگراد، قازىرگى نۇر-سۇلتان قالاسىندا وتكەن.

1979 -جىلدىڭ 16 -ماۋسىمىندا سەلينوگراد جاستارى كرەملدىڭ قازاقستاننىڭ سولتۇستىگىندە نەمىس اۆتونوميالى وبلىسىن قۇرۋ شەشىمىنە قارسى شەرۋگە شىقتى.

ول ۋاقىتتا نەمىس اۆتونومياسىن قۇرۋ جونىندەگى جوسپاردى بۇرىننان ءپىسىرىپ جۇرگەن كرەمل قازاقستاندا نەمىس اۆتونوميالى وبلىسىن قۇرۋ جونىندە شەشىم قابىلداعان. وبلىس ورتالىعى رەتىندە ەرەيمەنتاۋ قالاسى تاڭدالدى. اۆتونوميا قۇرامىنا سەلينوگراد وبلىسى ەرەيمەنتاۋ، سىلەتى اۋداندارىنىڭ، كوكشەتاۋ وبلىسىنان ءۋاليحانوۆ، قاراعاندى وبلىسىنان مولودەجنىي اۋداندارىنىڭ جەرى بەرىلەتىن بولدى.

ول كەزەڭدە بۇل ايماقتاردا شامامەن 940 مىڭداي نەمىس تۇراتىن. ءتيىستى قۇجاتتار ازىرلەنىپ، اۆتونوميا باسشىسى تاڭدالىپ قويىلدى. ءبىراق سوڭعى ساتتە كرەملدىڭ جوسپارى ىسكە اسپاي قالدى. بۇعان سەلينوگراد جاستارىنىڭ نەمىس اۆتونومياسىنا قارسى شىعۋى سەبەپ بولدى.

ءارتۇرلى دەرەك بويىنشا، شەرۋگە 500 دەن 5 مىڭعا دەيىن ادام قاتىستى. شەرۋشىلەر سەلينوگراد قالاسىنىڭ ورتالىق كوشەلەرىن ءجۇرىپ ءوتىپ، پارتيانىڭ وبلىستىق كوميتەتى الدىنداعى لەنين الاڭىنا جينالعان. ءبىر ساعاتقا سوزىلعان ميتينگىگە قاتىسقاندار نەمىس اۆتونومياسىن قۇرۋ جونىندەگى شەشىمدى جويۋدى تالاپ ەتتى. شەرۋشىلەر قولدارىنا «ەرەيمەنتاۋداعى نەمىس اۆتونومياسىنا قارسىمىز!»، «قازاقستان بولشەكتەنبەيدى!» دەگەن ۇران جازىلعان پلاكاتتار ۇستاپ شىققان.

ءۇش كۇننەن كەيىن شەرۋشىلەر كوشەگە قايتا شىقتى. بۇل جولى نارازىلاردىڭ الدىنا شىققان وبكومنىڭ ءبىرىنشى حاتشىسى ن. موروزوۆ نەمىس اۆتونومياسى قۇرىلمايتىنىن ايتىپ، حالىقتى تاراتپاق بولدى. قايبىر دەرەكتەر بويىنشا، جينالعان جۇرت جەرگىلىكتى بيلىكتەن كرەمل جوسپارىنىڭ استارىندا نە جاتقانىن ءتۇسىندىرىپ بەرۋدى تالاپ ەتتى. ن. موروزوۆ حالىققا باسۋ ايتىپ، ماسەلە ءبىرجولاتا شەشىلگەنىن، قونايەۆپەن تەلەفونمەن سويلەسكەنىن، قازاقستاندا نەمىس اۆتونومياسى قۇرىلمايتىنىن جەتكىزگەن سوڭ عانا شەرۋشىلەر تاراعان. ماسكەۋ شەشىمىنە قارسى شىقسا دا، رۇقسات ەتىلمەگەن شەرۋگە قاتىسقانداردىڭ ەشقايسىسى قامالماعان.

حالىق تولقۋىنان سەسكەنگەن كرەمل قازاقستاندا نەمىس اۆتونوميالى وبلىسىن قۇرۋ جونىندەگى جوسپاردان باس تارتتى. س س ر و ك گ ب تەرگەۋ جۇرگىزسە دە، شەرۋدىڭ ۇيىمداستىرۋشىلارىن انىقتاي الماعان. كوپ ۋاقىت بويى سەلينوگرادتاعى تولقۋدىڭ جاسىرىن ۇيىمداستىرۋشىسى رەتىندە رەسپۋبليكا باسشىسى دىنمۇحامەد قونايەۆتىڭ اتى اتالىپ كەلگەن. ءبىراق مۇنى راستايتىن بىردە-ءبىر تاريحي دەرەك جوق. ال تولقۋدى ناقتى كىم ۇيىمداستىرعانى ءالى كۇنگە دەيىن بەلگىسىز.

جاس الاش


سوڭعى جاڭالىقتار