ءماجىلىس ەكولوگيا، گەولوگيا جانە تابيعي رەسۋرستار ءمينيسترىنىڭ كانديداتۋراسىن كەلىستى

None
None
نۇر- سۇلتان. قازاقپارات - بۇگىن ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ وتىرىسى ءوتىپ، دەپۋتاتتار ەكولوگيا، گەولوگيا جانە تابيعي رەسۋرستار ءمينيسترى لاۋازىمىنا تاعايىنداۋ تۋرالى ماعزۇم مىرزاعاليەۆتىڭ كانديداتۋراسىمەن كەلىستى.

 بۇل تۋرالى پارلامەنت ءماجىلىسىنىڭ باسپا ءسوز قىزمەتى حابارلادى.

بۇل ماسەلە «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس كوميتەت وتىرىسىندا قارالدى. پرەمەر- ءمينيستردىڭ تاپسىرماسى بويىنشا كانديداتتى پرەمەر- مينيستر كەڭسەسىنىڭ باسشىسى عالىمجان قويشىبايەۆ تانىستىردى.

 ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەلەرى م. مىرزاعاليەۆكە ءبىرقاتار سۇراقتار قويدى. قازاقستان رەسپۋبليكاسى پارلامەنتى ءماجىلىسى ەكولوگيا ماسەلەلەرى جانە تابيعات پايدالانۋ كوميتەتىنىڭ وتىرىسىنىڭ قورىتىندىسى بويىنشا «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس قازاقستان رەسپۋبليكاسىنىڭ پرەمەر- ءمينيسترى ۇسىنعان ماعزۇم مارات ۇلى مىرزاعاليەۆتىڭ كانديداتۋراسى ەكولوگيا، گەولوگيا جانە تابيعي رەسۋرستار ءمينيسترى لاۋازىمىنا تاعايىنداۋ ءۇشىن ۇسىنىلدى. وتىرىس سوڭىندا دەپۋتاتتار كانديداتقا الداعى جۇمىسىندا تابىس تىلەدى.

سوڭعى جاڭالىقتار