تانىمال ساراپشى گولوۆكينىڭ قارتايا باستاعانىن مالىمدەدى

None
None
نۇر-سۇلتان. قازاقپارات - تانىمال BoxingScene.com پورتالىنىڭ ساراپشىسى ستيۆەن ەدۆاردس ورتا سالماقتاعى بۇرىنعى الەم چەمپيونى گەننادي گولوۆكينگە قاتىستى پىكىر ءبىلدىردى.

ونىڭ ويىنشا، سپورتشى قارتايۋدىڭ شاعىندا تۇر ەكەن دەپ حابارلايدى vesti.kz.

8- ماۋسىم كۇنى نيۋ-يوركتە گولوۆكين DAZN ستريمينگتىك سەرۆيسىندە العاشقى جەكپە-جەگىن وتكىزىپ، بۇعان دەيىن جەڭىلمەگەن كانادالىق ستيۆ روللستى (19-1، 10 ك و) ءتورتىنشى راۋندتا نوكاۋتقا جىبەردى.

«مەنىڭ ويىمشا گولوۆكين جاقسى كورىندى. روللستىڭ دەڭگەيىندەگى بوكسشىلاردى GGG ادەتتە ءبىر-ەكى سوققىمەن «جۇتىپ سالادى». سودان كەيىن ايقاستىڭ ءبىرىنشى ۇشتىگىندە ولاردى ويسىراتا جەڭەدى. گەنناديدىڭ بار ماسەلەسى - ول ەڭ جوعارى دەڭگەيگە جىلدام شىقپايدى.

گەنناديدىڭ جاسى 37 دە، مەن ونىڭ السىرەۋىندە ەشقانداي ابەستىك كورىپ تۇرعانىم جوق. ول ۇنەمى VADA ءۇشىن دوپينگ-تەست تاپسىرىپ وتىرادى. مانسابىنىڭ شىڭىندا جۇرگەندە ءبارى ودان قاشقاقتايتىن. ال «كانەلو» ۇلى بوكسشى، وعان قوسا سەگىز جاسقا كىشى. «دوپينگتەن تازا» بوكسشىلاردىڭ كوبى 37 جاستا «قارتايا باستايدى». دەگەنمەن ادام ءوزى سولاي جاراتىلعان.

كۇشىن جوعالتىپ بارا جاتقان 37 جاستاعى گولوۆكين - بۇل بولۋى ءتيىس نارسە. تاريحتاعى بوكسشىلاردىڭ 99 پايىزى 37 جاسقا قاراعاندا 27 دە جاقسىراق ونەر كورسەتەتىن. گولوۆكين ءالى كۇنگە دەيىن كۇشتى سوققى مەن اگرەسسيۆتى تەحنيكاعا يە. ءبىراق ونىڭ جىلدامدىعى جوعالىپ بارادى، وعان جاس بوكسشىلارمەن جەكپە-جەككە شىعۋ قيىن سوعادى.

گولوۆكين ءوزىنىڭ كاسىبي مانسابىنان باسقا، 300 دەن استام اۋەسقوي جەكپە-جەك وتكىزدى. ول باياۋلاۋى كەرەك»، - دەپ جازدى اۆتور.

ەستەرىڭىزگە سالا كەتسەك، قازاقستاندىق سپورتشى 2018-جىلى قىركۇيەكتە ساۋل الۆارەسپەن جەكپە-جەككە شىعىپ، تورەشىلەردىڭ شەشىمىمەن مانسابىنداعى العاش رەت جەڭىلىس تاپتى.

ال ۇزىلىستەن كەيىن رينگكە قايتا ورالعان وتانداسىمىز 9- ماۋسىم ستيۆ ءروللستى جەڭىپ، 39-جەڭىسىن تويلادى.

سوڭعى جاڭالىقتار