قازاقستاندا شەرۋگە شىعۋعا رۇقسات بەرىلەدى - توقايەۆ

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ Euronews-كە بەرگەن ەكسكليۋزيۆ سۇحباتىندا قازاقستاندا تۇرعىندارعا شەرۋگە شىعۋعا رۇقسات بەرەتىن زاڭ قابىلداناتىنىن ايتتى، - دەپ حابارلايدى Tengrinews.kz ءتىلشىسى.

قازاقستان پرەزيدەنتى ەلدە ساياسي وزگەرىسكە قالاي قول جەتكىزۋگە بولاتىنىن ەۋرووداق مۇشەلەرىمەن كەڭەسكەنىن ءمالىم ەتتى.

مەملەكەت باسشىسىنىڭ ايتۋىنشا، قوعام قاۋىپسىزدىگىنە «شىعىن كەلتىرمەگەن» شەرۋ قاتىسۋشىلارى مەرزىمىنەن بۇرىن بوساتىلادى.

ول ميتينگىگە شىققان جاستاردىڭ قازاقستاندىق قوعامدا ءوز ورنىن تابۋىن الداعى ماقساتى رەتىندە قويعانىن ايتتى.

«ساياسي ماقساتىم - جاستاردى بيلىككە تارتۋ، مەملەكەتتىك ماڭىزدى ماسەلەلەردى شەشۋگە كومەكتەسۋ. شەرۋ جاساعان قوزعالىستاردىڭ وكىلدەرىن كەلىسسوز جۇرگىزۋگە دوڭگەلەك ۇستەلگە شاقىرامىز، ماسەلەلەر كوشەدە تارتىپسىزدىك پەن الاساپىران اتموسفەرادا ەمەس، وسىلاي شەشىلەدى»، - دەدى قازاقستان پرەزيدەنتى.

سونداي-اق قاسىم-جومارت توقايەۆ قازاقستاندا رۇقسات بەرىلگەن ميتينگىلەرگە شىعۋعا مۇمكىندىك جاسايتىن زاڭ قابىلداناتىنىن ايتتى.

«ارينە، زاڭسىز بولعاننىڭ ءبارى توقتاتىلادى. باس پروكۋراتۋرا كوشەدەگى وسىنداي ميتينگىلەردىڭ زاڭسىز ەكەنىن بىرنەشە رەت ەسكەرتتى، سەبەبى ولار وعان قاتىسقىسى كەلمەيتىن حالىققا كەدەرگى جاسايدى. سوندىقتان، جاڭا زاڭ قابىلدانادى، ەندى دەمونستراتسياعا شىعىپ، ءوز پىكىرىن بىلدىرگىسى كەلگەن حالىق ءتيىستى ورگانعا جۇگىنەدى، ولارعا ءوز پىكىرىن ءبىلدىرۋ ءۇشىن ارنايى جەر بەرىلەدى»، - دەدى پرەزيدەنت.

سونىمەن قاتار، توقايەۆ ە ق ى ۇ- نىڭ سوڭعى پرەزيدەنتتىك سايلاۋ جايلى بايانداماسىندا ايتىلعان سىنعا قاتىستى پىكىرىن ءبىلدىردى: «اشىق سايلاۋ وتكىزۋ ءۇشىن بارلىق جاعداي جاسالدى. كەي ۋچاسكەلەردە زاڭ بۇزۋشىلىقتار بولۋى مۇمكىن. ارينە، تولىققاندى ساراپتاما جاسايمىز، ەگەر زاڭ بۇزىلعانى انىقتالسا، قاجەتتى شارالار قولدانىلادى».

ايتا كەتەيىك، 9-12-ماۋسىم اراسىندا ەلىمىزدە رۇقسات ەتىلمەگەن ميتينگىلەر وتكەن بولاتىن. زاڭسىز اكسياعا قاتىسىپ، پوليتسيا قىزمەتكەرلەرىنىڭ زاڭدى تالاپتارىنا باعىنباعانى ءۇشىن 957 ادامدى سوت اكىمشىلىك جاۋاپتىلىققا تارتتى، ونىڭ ىشىندە قاماۋعا الىنعانى - 670، ايىپپۇلعا - 115 جانە 172 ادامعا ەسكەرتۋ جاسالدى.

سوڭعى جاڭالىقتار