قازاقستان پرەزيدەنتى ءبىرقاتار لاۋازىم يەلەرىن قىزمەتىنەن بوساتتى
مەملەكەت باسشىسىنىڭ وكىمدەرىمەن: ءانۋار تولەۋحان ۇلى سادىقۇلوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى - قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ «ارىستان» قىزمەتىنىڭ باستىعى لاۋازىمىنان؛ قازاقستان رەسپۋبليكاسى مەملەكەتتىك كۇزەت قىزمەتىنىڭ ءبىرىنشى دەپارتامەنتى ءۇشىنشى باسقارماسىنىڭ اعا ينسپەكتورى جاسۇلان امانجول ۇلى سارسەمباي قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى - قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ قاۋىپسىزدىگى قىزمەتىنىڭ باستىعى مىندەتتەرىن ۋاقىتشا اتقارۋدان؛ قايرات يمات ۇلى سۇنتايەۆ قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسشىسى قىزمەتىنەن بوساتىلدى.