زاڭسىز اڭ اۋلاۋشىلاردىڭ قولىنان مەرت بولعان ەرلان نۇرعاليەۆتىڭ تانىمال سۋرەتى اياسىنداعى ۇل مەن نەمەرە

None
None
نۇر- سۇلتان. قازاقپارات - قاپىدا براكونەرلەردىڭ قولىنان مەرت بولعان «وحوتزووپروم» ءو ب» ر م ق ك ينسپەكتورى ەرلان نۇرعاليەۆتىڭ قازاقستان حالقىنا تانىمال بولعان سۋرەتى اياسىندا ونىڭ ۇلى مەن نەمەرەسى سۋرەتكە ءتۇستى.

سۋرەتتى ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت Facebook-تەگى پاراقشاسىندا جاريالادى، دەپ حابارلايدى قازاقپارات ءتىلشىسى.

«ءۇش ۇرپاق. سۋرەتتە باتىر ەرلان نۇرعاليەۆتىڭ ۇلى مەن نەمەرەسى»، - دەپ جازدى ساكەن دىلداحمەت.

 ەستەرىڭىزگە سالا كەتەيىك، «وحوتزووپروم» ءو ب» ر م ق ك ينسپەكتورلارى ەرلان نۇرعاليەۆ پەن پەتر نيتسىك قاراعاندى وبلىسىنىڭ نۇرا اۋدانىنىڭ اۋماعىنا رەيد جۇرگىزۋ بارىسىندا اتىپ الىنعان 5 كيىكتى تابادى.

null

كيىكتى اتقان ادامداردىڭ ىزىنە تۇسكەن ينسپەكتورلار مەملەكەتتىك تىركەۋ ءنومىرى جوق ەكى كولىكتى قۋىپ، ونىڭ ءبىرىن توقتاتقان. اۆتوكولىكتى تەكسەرۋ بارىسىندا بەلگىسىز ادامدار قارسىلىق كورسەتكەن. سونىڭ سالدارىنان ءبىر ينسپەكتوردىڭ جاعى سىنىپ، پىشاق جاراقاتىن السا، ەكىنشى ينسپەكتوردىڭ ميى شايقالىپ، ەس- تۇسىنەن ايىرىلىپ قالعان.

«ينسپەكتورلار كولىكتەردىڭ ءبىرىن توقتاتقان كەزدە ودان ءۇش ادام شىعىپ، قارسىلىق كورسەتكەن. ولار پ. نيتسىك پەن ە. نۇرعاليەۆتى سوققىعا جىققان. سونىمەن قاتار ولار ينسپەكتورلاردىڭ كولىگىنىڭ كىلتى مەن GPS قۇرىلعىلارىن الىپ كەتكەن. وسى ارەكەتتەرى ارقىلى ولار ينسپەكتورلاردى ءولىم اۋىزىندا قاساقانا قالدىرعان. نيتسىك ءبىرىنشى ەسىن جيىپ، ەس- ءتۇسسىز جاتقان نۇرعاليەۆتى كورگەن. سودان كەيىن راديو ارقىلى ەكىنشى ەكيپاجعا حابار بەرگەن»، - دەگەن ەدى ق ر ا ش م رەسمي وكىلى ساكەن قالقامانوۆ.

اقىرى، دارىگەرلەر قۇتقارا الماي، ەرلان نۇرعاليەۆ اجال قۇشادى. ينسپەكتوردىڭ ءولتىرىلۋى مەن براكونەرلەردىڭ شەكتەن تىس باسسىزدىعى قوعامدى بەي- جاي قالدىرعان جوق. الەۋمەتتىك جەلىلەر مەن ب ا ق بۇل ماسەلەنى جارىسا جازىپ، مەملەكەتتىك ورگاندار دا ءتىل قاتتى. ءتىپتى ق ر باس پروكۋرورى قايرات قوجامجاروۆ قاراعاندى وبلىسىندا براكونەرلەرمەن قاقتىعىستا زارداپ شەككەن ينسپەكتورلار بويىنشا ءىستى جەكە باقىلاۋىنا الدى.

null

قازىرگى ۋاقىتتا تەرگەۋ امالدارى جۇرگىزىلىپ جاتىر. كۇدىكتىلەردىڭ ۇشەۋى دە ۋاقىتشا وقشاۋلاعىشقا قامالعان. سوتقا دەيىنگى تەرگەۋ امالدارى ءالى دە جالعاسۋدا.

 ەرلان نۇرعاليەۆتىڭ سىن ساعاتتى ەرلىگى حالىقتى دا، حالىق قالاۋلىلارىن دا بەي- جاي قالدىرعان جوق. ءماجىلىس دەپۋتاتتارى ينسپەكتور ەرلان نۇرعاليەۆكە «حالىق قاھارمانى» اتاعىن بەرۋدى ۇسىندى.

حالىقتىڭ دا، حالىق قالاۋلىلارىنىڭ دا ءوتىنىشى ورىندالىپ، مارقۇم ەرلان نۇرعاليەۆ پەن پەتر نيتسىكقا Ⅲدارەجەلى «بارىس» وردەنى بەرىلدى.

اۆتور: مارلان جيەمباي

سوڭعى جاڭالىقتار