+7 (701) 759 90 19
-5 °С : نۇر-سۇلتان
-2 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

جازدا تاعامنان ۋلانۋدان قالاي ساقتانۋعا بولادى - دارىگەر كەڭەسى

17 ماۋسىم 09:28
:ءبولىسۋ
جازدا تاعامنان ۋلانۋدان قالاي ساقتانۋعا بولادى - دارىگەر كەڭەسى

نۇر- سۇلتان. قازاقپارات - ق ر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ ۇلتتىق ورتالىعىنىڭ ماماندارى جازدا تاعامنان ۋلانۋان قالاي ساقتانۋعا بولاتىندىعىن ايتتى، دەپ حابارلايدى قازاقپارات ءتىلشىسى.

«جاز - كەرەمەت جىل مەزگىلى. بۇل - دەمالىس باستالىپ، اۋىلداعى اتا- اجەسىنىڭ ۇيلەرىنە قىدىرىپ باراتىن، كوكونىستەر مەن جەمىستەرگە تويىپ، كۇن استىندا د دارۋمەنىنە قانىعاتىن كەز. مۇنداي كەزدە ەشكىمنىڭ ۋلانىپ، دەنە قىزۋى مەن جانە جۇرەكتىڭ اينۋىمەن توسەك تارتىپ جاتقىسى كەلمەيدى. اۋانىڭ جوعارى تەمپەراتۋراسى، ازىق- تۇلىكتەردى ساقتاۋ قاعيدالارىن بۇزۋ جانە گيگيەنانى ساقتاماۋ - اسقازان- ىشەك جولدارىنىڭ اۋرۋىنا اكەلەتىن نەگىزگى سەبەپتەر. تاعامنان ۋلانۋدان قالاي ساقتانۋ قاجەت جانە ۋلانىپ قالعان جاعدايدا نە ىستەۋ قاجەت؟ تاعامنان ۋلانۋ - بۇل اس قورىتۋ جۇيەسىنىڭ بۇزۋشىلىعىمەن بايلانىستى ءجىتى اۋرۋ. ول اعزاعا اس ارقىلى ءتۇرلى ميكروورگانيزمدەردىڭ، كوبىنەسە، باكتەريالاردىڭ تۇسۋىنەن پايدا بولادى. ۋلانۋدىڭ كوبىسى تاعامداردا التىن تۇستەس ستافيلوكوكك جانە ىشەك تاياقشالارىنىڭ جاپپاي كوبەيۋى سالدارىنان تۋىندايدى. ۋلانۋ كوبىنەسە جارامدىلىق مەرزىمى وتكەن ساپاسىز ازىق- تۇلىكتەردەن، دۇرىس جاعدايدا ساقتالماعان، نەمەسە سانيتاريالىق نورمالاردى ساقتاماي دايارلانعان تاعامداردان پايدا بولىپ جاتادى. اۋرۋدىڭ باستى سەبەبى - باكتەريا تاسۋ، تەحنولوگيالىق ۇدەرىس، ازىق- تۇلىكتەردى دۇرىس ساقتاماۋ جانە تاعى باسقالارى»، - دەلىنگەن اتالعان ورتالىق تاراتقان اقپاراتتا.

ۋلانۋ كوبىنە دايىن تاعامداردان - مايونەز جانە قايماقپەن ارالاسقان بارىنشا كوپ كومپونەنتتى سالاتتاردان، كونديتەرلىك قانت قوسىلعان كرەمدى ونىمدەردەن، تارتىلعان ەتتەن ازىرلەنگەن تاماقتان، سىلىكپەلەر جانە ت. ب تاعامنان تۋىندايدى. دايىن استان بولەك، دۇرىس جۋىلماعان جەمىس- جيدەكتەر مەن بالعىن كوكونىستەردەن دە ۋلانۋعا بولادى، ويتكەنى ولاردىڭ سىرتقى قاباتىندا ىشەك ينفەكسياسىنىڭ قوزدىرعىشتارى قالىپ قالۋى مۇمكىن.

تومەندەگى 3 قاعيدانى ساقتاي جۇرسەڭىز جاقىندارىڭىزدى جاز مەزگىلىندەگى ۋلانۋدان ساقتاۋعا بولادى:

گيگيەنا قاعيدالارىن ساقتاڭىز:

- كوشەدەن ۇيگە كەلگەندە، تاماق ىشەر الدىندا جانە دارەتحانادان شىققاندا قولىڭىزدى مۇقيات سابىنداپ جۋىڭىز؛

- كوكونىستەر مەن جەمىس- جيدەكتەردى تۇتىنار الدىندا اعىندى سۋدىڭ استىندا مۇقيات جۋىڭىز، ال كىشكەنتاي بالالارعا بەرەر الدىندا قايناعان سۋمەن جۋىڭىز؛

- ىستىق جانە سالقىن تاعامداردى دايارلاعاندا ءۇي جاعدايىندا گيگيەنا قاعيدالارىن ساقتاڭىز، ازىق- تۇلىكتىڭ جارامدىلىق مەرزىمى مەن دۇرىس ساقتاۋ قاجەتتى جاعدايلارىن قاداعالاڭىز؛ اسىرەسە تەز بۇزىلاتىن، شيكى جانە دايىن استى بولەك ساقتاعان ءجون؛

- شيكى ازىق- تۇلىكتەردى دايارلاۋ كەزىندە ينفەكتسيالىق اۋرۋلاردىڭ الدىن الۋ ماقساتىندا ارنايى پىشاق پەن تۋراۋعا ارنالعان بولەك تاقتايىڭىز بولعانى ءجون.

استى قاۋىپسىز ازىرلەڭىز:

- ەگەر ءوزىڭىزدى ناشار سەزىنسەڭىز، دەنە قىزۋىڭىز جوعارى بولسا، ءناجىس بۇزىلىسى، جۇرەكتىڭ اينۋى، ءىشتىڭ اۋرۋى بولعان جاعدايدا قوناقتار مەن وتباسىڭىز ءۇشىن ازىرلەمەڭىز؛

- جاڭا ازىرلەنگەن تاعامدى وتكەن كۇننەن قالعان تاعام قالدىقتارىمەن ارالاستىرماڭىز؛ ەگەر تاعام كەلەسى كۇنگە قالىپ قويسا، ونى تۇتىنار الدىندا جىلۋمەن وڭدەپ الۋ قاجەت (قايناتىپ الۋ نەمەسە ىسىتۋ)؛

- ەت، قۇس ەتى، جۇمىرتقا جانە تەڭىز ونىمدەرىن مۇقيات جانە اسىقپاي قايناتىپ، قۋىرىپ الىڭىز؛

- اس قالدىقتارىن، اسىرەسە سالاتتار مەن تارتىلعان ەتتەن ازىرلەنگەن تاماقتاردى 1 تاۋلىكتەن كوپ ساقتاماڭىز؛

- كرەمدى بالىشتەر مەن تورتتاردى توڭازىتقىشتا ساقتاڭىز. تاماق ساتىپ الاردا مۇقيات بولىڭىز:

تاعامدى تەكسەرىستەن وتەتىن جەردەن ساتىپ الىڭىز، بۇل، اسىرەسە ەت جانە بالىققا قاتىستى. ساتۋعا رۇقساتى جوق جانە ازىق- تۇلىكتەرگە قۇجاتتارى جوق تانىمايتىن ادامداردان، بازاردان ازىق- تۇلىكتەردى ساتىپ الۋدان باس تارتقان ءجون؛

ازىق- تۇلىكتەردىڭ دايارلانعان مەرزىمى مەن جارامدىلىق مەرزىمىن مۇقيات تەكسەرىپ الىڭىز، دۇرىستاپ قاراپ، ساپاسى مەن بالعىندىعىن يىسكەپ تەكسەرىڭىز. كوگەرىپ، زەڭ باسىپ كەتكەن ازىق- تۇلىكتەردى تاماققا مۇلدەم قوسۋعا بولمايدى؛ يىستەندىرىلگەن، ءدامى كۇشەيتىلگەن، بوياتىلعان جانە باسقا دا حيميالىق قوسپالار قوسىلعان ازىق- تۇلىكتەردى بالالاردىڭ اسىنا قوسپاڭىز؛

كوكونىستەر مەن جەمىس- جيدەكتەردى تۇتىنار الدىندا مۇقيات جۋىڭىز؛ ءىشۋ ءۇشىن قايناتىلعان نەمەسە بوتەلكەدەگى اۋىز سۋدى قولدانىڭىز. جوعارىدا اتالعان بارلىق كەڭەستەرگە قۇلاق اسىپ پايدالانساڭىز، جىل مەزگىلىندە تاعامنان ۋلانۋدان ساقتانا جۇرەسىز.

ەسىڭىزدە بولسىن، ۋلانۋدىڭ العاشقى بەلگىلەرى انىقتالعان جاعدايدا، شۇعىل تۇردە مەديتسينالىق كومەككە جۇگىنۋ قاجەت.


باستى سوزدەر: دةنساؤلئق,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات