ۇلكەن جيىرمالىق ەلدەرى مۇحيتقا تاستالاتىن پلاستيكا كولەمىن ازايتۋعا كەلىستى

None
None
نۇر- سۇلتان. قازاقپارات - G20 ەلدەرىنىڭ وكىلدەرى جاپونياداعى كارۋيدزاۆا قالاسىنداعى كەزدەسۋ بارىسىندا دۇنيەجۇزىلىك مۇحيتتا قالقىپ جۇرگەن پلاستيكالىق قوقىسقا قارسى كۇرەستە بىرلەسە ءىس- قيمىل جاسايتىن حالىقارالىق قۇرىلىم قۇرۋ جونىندە كەلىستى.

 بۇل تۋرالى جەكسەنبى، 16- ماۋسىم كۇنى جاپوندىق Kyodo اگەنتتىگى حابارلادى. قابىلدانعان كەلىسىمگە سايكەس، G20 ەلدەرى پلاستيكالىق قوقىستاردى ازايتۋ جونىندەگى شەشىمدى ۇجىم بولىپ قابىلدايدى جانە ءوزارا جۇمىس ناتيجەلەرىن الماسىپ وتىرادى.

تالقىلاۋ قورىتىندىسى بويىنشا بارلىق قاتىسۋشىلار الەمدىك ەكونوميكانى ەنەرگەتيكالىق شيكىزاتپەن قامتاماسىز ەتۋدە تۇراقتىلىققا قول جەتكىزۋ ءۇشىن كۇش بىرىكتىرۋگە كەلىستى. سونداي- اق كەزدەسۋدە ب ۇ ۇ- نىڭ سۋدى پلاستيكپەن لاستاۋداعى دەرەكتەرى ايتىلدى. ول بويىنشا ادامزات ءار جىل سايىن 300 ميلليون تونناعا دەيىن پلاستيكالىق قوقىس شىعارادى ەكەن. ال ونىڭ 10 ميلليون تونناعا جۋىعى دۇنيەجۇزىلىك مۇحيتقا تاستالادى. بۇل بۇگىنگى تاڭدا عالامدىق ەكولوگيالىق پروبلەمانى تۋدىرىپ وتىر.

سوڭعى جاڭالىقتار