+7 (701) 759 90 19 Лента
27 °С : Нур-Султан
30 °С : الماتى
USD 383.01 EUR 430.12
RUB 6.10 CNY 55.70
جاڭالىقتار

باتىس قازاقستاندىق جانسايا مۋسينا تارباعاتايدا وتكەن حالىقارالىق ايتىستا ەكىنشى ورىنعا يە بولدى

17 ماۋسىم 07:35 798
:ءبولىسۋ
باتىس قازاقستاندىق جانسايا مۋسينا تارباعاتايدا وتكەن حالىقارالىق ايتىستا ەكىنشى ورىنعا يە بولدى

ورال. قازاقپارات - شىعىس قازاقستان وبلىسى تارباعاتاي اۋدانىنىڭ ورتالىعى اقسۋات اۋىلىندا حالىقارالىق ايتىس مارەگە جەتتى، دەپ حابارلايدى قازاقپارات ءتىلشىسى.

ايتىس ءۇش كۇنگە سوزىلعان «تۇعىرى بيىك تارباعاتاي» اتتى حالىقارالىق سپورت جانە ونەر فەستيۆالى اياسىندا ۇيىمداستىرىلدى. ەلگە بەلگىلى كاسىپكەر دۋلات تاستەكەيەۆتىڭ دەمەۋشىلىگىمەن «تۋعان جەرگە تۋىڭدى تىك» اتتى حالىقارالىق جىر دوداسى وسىمەن ءتورتىنشى رەت وتكىزىلدى.

ايتىسقا نۇرمات مانسۇروۆ، رۇستەم قايىرتاي ۇلى، جانسايا مۋسينا، قانات مىرزاحان، دۋلات شىدەرين، مۇحتار نيازوۆ، سىرىم اۋەزحان، ارۋنا كەرىمبەك، اسپانبەك شۇعاتايەۆ، موڭعوليادان ايدوس راشات، قىرعىزستاننان اقجولتاي قاناتبەك ۇلى، قىتايدان كەلگەن ەرلان امانقوجا ۇلى سىندى اقىندار قاتىسىپ، باق سىنادى.

 ايتىس قورىتىندىسىندا ەرلان امانقوجا ۇلى باس جۇلدەنى (2 ميلليون تەڭگە) جەڭىپ الدى. تارازدىق قانات مىرزاحان ءبىرىنشى (1 ميلليون تەڭگە)، باتىس قازاقستاندىق جانسايا مۋسينا ەكىنشى (700 مىڭ تەڭگە)، الماتىلىق رۇستەم قايىرتاي ۇلى ءۇشىنشى (500 مىڭ تەڭگە) ورىنعا يە بولدى. جىل سايىن تابىستالاتىن ارنايى ستيپەنديا (2,4 ميلليون تەڭگە) بيىل اسپانبەك شۇعاتايەۆقا بەرىلدى.

«جالپى، ايتىستىڭ دەڭگەيى جوعارى بولدى. «رۋحاني جاڭعىرۋ» باعدارلاماسى اياسىندا كاسىپكەر دۋلات تاستەكەيەۆ بيىل سپورت جانە ونەر فەستيۆالى ەتىپ كەڭ اۋقىمدا ۇيىمداستىرعان ەكەن. سوعان ءبارىمىز كۋا بولدىق»، دەدى قازاقپارات تىلشىسىنە جانسايا مۋسينا.


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات