+7 (701) 759 90 19
0 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

بيىلعى ۇ ب ت جايىندا نەنى ءبىلۋ كەرەك

16 ماۋسىم 13:29
:ءبولىسۋ
بيىلعى ۇ ب ت جايىندا نەنى ءبىلۋ كەرەك

نۇر-سۇلتان. قازاقپارات - ق ر ءبىلىم جانە عىلىم مينيسترلىگى Facebook-تەگى پاراقشاسىندا تالاپكەرلەردىڭ ۇ ب ت جايلى سۇراقتارىنا جاۋاپ بەردى، دەپ حابارلايدى قازاقپارات.

جوعارى وقۋ ورنىنا قۇجات تاپسىرعان كەزدە ماماندىق ەمەس ءبىلىم بەرۋ توپتارىن تاڭداۋ كەرەكتىگى بۇعان دەيىن حابارلانعان. جالپى، 97 توپ بار. وعان ءبىر نەمەسە بىرنەشە باعدارلاما كىرەدى. توپتار ءتىزىمى مەن ولارعا سايكەس پاندەر ءتىزىمىن ۇلتتىق تەستىلەۋ ورتالىعى سايتىنان نەمەسە تومەندەگى ۆيدەودان كورۋگە بولادى.

ۇ ب ت كەزەڭدەرى ءبىرىنشى قادام: 20 -ماۋسىم مەن 5 -شىلدە ارالىعىندا الدىن-الا ءوتىنىم بەرىپ، تەست تاپسىرۋ كەرەك. بيىل ۇ ب ت مەن ك ت بىرىكتىرىلدى. تەست تاپسىرۋ ورىندارى ءتىزىمى ۇلتتىق تەستىلەۋ ورتالىعىنىڭ سايتىندا بار. مەكتەپ بۇرىنعىداي تۇلەكتەردى تەست تاپسىرۋ ورنىنا اپارىپ-الىپ كەلۋگە جاۋاپتى ەمەس.

ەكىنشى كەزەڭ: 13-20 -شىلدە ارالىعىندا ءبىلىم بەرۋ گرانتىنا بايقاۋ وتەدى. وعان ۇ ب ت- دان ءوتىپ، جەتكىلىكتى بالل العان جاعدايدا عانا قاتىسا الاسىزدار. ءۇشىنشى قادام: ءبىلىم بەرۋ توپتارىن تاڭدايسىزدار. ءبىرىنشى جاعدايدا: مىسالى ماۋسىم ايىنداعى ۇ ب ت كەزىندە ءسىز «بيولوگيا» + «حيميا» بويىنشا سىناق تاپسىرساڭىز، بۇل پاندەرگە تيەسىلى 16 توپتىڭ ىشىنەن (ءتىزىمى ۇتو سايتىنداعى ۆيدەودا كورسەتىلگەن) ءار ءتۇرلى ج و و-دان ءتورت ءبىلىم بەرۋ توبىن تاڭداي الاسىز. ارينە، توپ ۇ ب ت- دا تاڭداعان پانىڭىزگە ساي كەلۋى كەرەك. سىزدە مىناداي تاڭداۋ بولۋى مۇمكىن:

1. «حيميا ءپانى مۇعالىمى». 2. «بيولوگيا مەن ارالاس عىلىمدار». 3. «ۆەتەريناريا». 4. «جالپى مەديتسينا». ءسىز وسى كورسەتىلگەن تورتەۋىن عانا ەمەس، ون التى توپتىڭ ىشىنەن باسقا ءبىلىم بەرۋ توپتارىن دا تاڭداي الاسىز. ەكىنشى جاعدايدا: شىعارماشىلىق ماماندىققا تاپسىراتىن تالاپكەرلەر گرانت بايقاۋىنا قاتىسۋ كەزىندە تەك ءبىر عانا ءبىلىم بەرۋ توبىن تاڭداي الادى.

مىسالى، «اۋديوۆيزۋال قۇرالدار مەن مەدياوندىرىس» تاڭداعاندا ەكى شىعارماشىلىق سىناق تاپسىراسىزدار. ءبىلىم بەرۋ توپتارىنان تومەندەگى ماماندىقتاردى تاڭداي الاسىزدار: 1. «وپەراتورلىق شەبەرلىك». 2. «باسپا ءىسى». 3. «پوليگرافيا». ءتورتىنشى قادام: وقۋعا قابىلداۋ. گرانت ءبىلىم بەرۋ توپتارىنا بولىنەدى. ال ءبىلىم بەرۋ باعدارلاماسىن (بۇرىن بۇل «ماماندىق» دەپ اتالعان) جوعارى وقۋ ورنىنا بارعان سوڭ تاڭدايسىز.

مىسالى، «حيميا ءپانىنىڭ ءمۇعالىمى» بويىنشا گرانتقا يە بولساڭىز جوعارى وقۋ ورنىنىڭ ءبىلىم بەرۋ باعدارلامالارىن قارايسىز. ايتالىق، ج و و-دا «حيميا» نەمەسە «حيميا- بيولوگيا» دەگەن ءبىلىم بەرۋ باعدارلامالارى بولسا - بىرەۋىن تاڭدايسىز. وقۋعا قابىلداۋ كەزەڭى 10-25 -تامىز ارالىعىندا، ون كۇنگە سوزىلادى. وقۋعا تۇسكەنى جايلى بۇيرىق ناقتى ءبىلىم بەرۋ باعدارلاماسىنا قاراي شىعادى. كەيىن وقۋ بىتىرگەن سول بويىنشا ديپلوم بەرىلەدى. اقىلى وقۋعا ءتۇسۋ جوعارى وقۋ ورنىنا اقىلى تۇردە تۇسپەك بولعان تالاپكەرلەر ءۇشىن ۇ ب ت-نى بىرنەشە رەت تاپسىرۋ مۇمكىندىگى بار.

2019 -جىلدان باستاپ تەست قاڭتار، ناۋرىز، ماۋسىم جانە تامىز ايلارىندا وتەدى. ءار كەزدە ءار ءتۇرلى ءپان تاڭداپ تەست تاپسىرۋعا بولادى. ۇ ب ت-2019 سەرتيفيكاتى جىلدىڭ سوڭىنا دەيىن جارامدى. وسىلايشا، جوعارى وقۋ ورنىنىڭ اقىلى بولىمىنە قۇجات تاپسىرعان كەزدە قالاعان ءپانى بويى شەكتى بالل جيناعانىن راستايتىن سەرتيفيكات ۇسىناسىز.

گرانتتار سانى 2019-2020 وقۋ جىلىنا مەملەكەت 66556 گرانت ءبولىپ وتىر. ونىڭ 51085 ى باكالاۆرياتقا، 13159 ى ماگيستراتۋرا، 2312 ى دوكتورانتۋراعا (PhD).


باستى سوزدەر: قوعام, ءبىلىم جانە عىلىم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات