جەلىدە نوكىستەگى الاپات شاڭدى داۋىلدىڭ ۆيدەوسى پايدا بولدى

نۇر-سۇلتان. قازاقپارات - وزبەكستان ت ج م جەدەل جاساقتارى كەشە كەشقۇرىم قاراقالپاقستاننىڭ استاناسى نوكىس قالاسىندا بولعان شاڭدى داۋىلدىڭ زارداپتارىن جويۋ جۇمىستارىمەن اينالىسىپ جاتىر، دەپ حابارلايدى قازاقپارات.

وزبەكستان ت ج م دەرەكتەرىنە قاراعاندا، 14 -ماۋسىمدا جەرگىلىكتى ۋاقىتپەن 20.32-دەن 20.38 ارالىعىندا سوققان شاڭدى داۋىلدىڭ جىلدامدىعى سەكۋندىنا 23 مەترگە جەتكەن. پايدالانۋشىلار قالاداعى عيماراتتاردىڭ شاتىرلارىن ۇشىرىپ اكەتكەن تابيعي اپاتتىڭ فوتولارى مەن ۆيدەولارىن الەۋمەتتىڭ جەلىگە جۇكتەۋدى جالعاستىرۋدا.

«جەدەل جاساق بۇگىن دە داۋىل سالدارىن جويۋ جۇمىستارىن جالعاستىرىپ جاتىر. ولار كوشەلەردى ءۇي جابىندىلارىنان، قۇلاعان اعاشتاردان، زاقىمدالعان ماشينالاردان تازارتۋدا. قازا تاپقاندار مەن زارداپ شەككەندەر جوق»، - دەپ ءمالىم ەتتى ت ج م وكىلى.