بوكەنباي باتىردىڭ مەموريالدىق كەشەنى اشىلدى

None
None
اقتوبە. قازاقپارات - اقتوبەدە ءابىلقايىر حاننىڭ باس قولباسشىسى بولعان بوكەنباي قاراباتىر ۇلىنىڭ ەسكەرتكىشى اشىلدى، دەپ حابارلايدى قازاقپارات ءتىلشىسى.

15 -ماۋسىمدا اقتوبەدە بوكەنباي باتىرعا ارنالعان عىلىمي-پراكتيكالىق كونفەرەنسيا ءوتىپ، كەيىن ەسكەرتكىشتىڭ اشىلۋى بولدى. تابىن بوكەنباي باتىردىڭ ۇرپاقتارى بۇل ءىستى ون جىل بۇرىن قولعا الىپ، بۇگىن اياقتاپ وتىر.

«بوكەنبايدىڭ اكەسى قاراباتىر دا باتىر بولعان ادام. ۇرپاقتارى تىلەنشى باتىر، جولامان باتىر، ەسەنامان باتىر، ولجاباي باتىر دەپ ايتار بولساق، اۋلەتىنىڭ ءبارى تەگىن ادام ەمەس. مەموريالدىق كەشەندى سالۋ جۇمىسى ون جىل بۇرىن باستالدى. سوڭعى ەكى جىلدا ناقتى جۇمىس اتقارىلدى. ءادىلقايىر حاننىڭ باس قولباسشىسى، اتامىز بوكەنباي باتىردى ۇلىقتاۋ ءۇشىن «الاش پارىزى» قوعامى دا ۇلەس قوستى»، - دەدى باتىردىڭ ۇرپاعى، كاسىپكەر قۋاتبەك حايتۋللايەۆ. ەسكەرتكىشتىڭ اشىلۋىنا كەلگەن وبلىس اكىمى وڭداسىن ورازالين دە ءوز پىكىرىن ءبىلدىردى. «قۇتتى مەكەن اقتوبە وڭىرىنەن شىققان قوبىلاندى باتىر، كىشى ءجۇزدىڭ حانى ءارى قولباسشىسى ءابىلقايىر حان، ابات بايتاق، ەسەت باتىر، تىلەۋ باتىر، ەسەت كوتىبار ۇلى، اساۋ باراق، ساڭكىباي سىندى باتىرلاردى ەسكە الساق، ولاردىڭ ءىزىن جالعاستىرعان ءاليا مولداعۇلوۆا مەن مالكەجدار بوكەنبايەۆ، سارسەنعالي ەشپايەۆ، يمانعالي ءبىلتابانوۆتار سىندى ەرلەرىمىزدى، اقتوبە جەرىندە جاساقتالعان 312 اتقىشتار ديۆيزياسىن ماقتانىشپەن ايتا الامىز. بۇل ۇرپاقتار ساباقتاستىعى.

سولاردىڭ ءبىرى حالقىنىڭ تاۋەلسىزدىگى ءۇشىن اتقا ءمىنىپ، سوڭىنا قالىڭ جۇرتىن ەرتە بىلگەن بوكەنباي قاراباتىر ۇلى. باتىر بابامىز ءومىر سۇرگەن XVIII عاسىردىڭ باسى قازاق حالقىنىڭ تاعدىرىنا سىن بولعان، ەلدىكتى تارازىعا سالعان اۋىر كەزەڭدەر بولدى.

سونداي سىن ساعاتتا بوكەنباي بابامىز جەر قايىسقان قول جيناپ، جوڭعارلاردى ەلىمىزدەن قورعادى. ونىڭ ەرلىگى تۋرالى ءابىش كەكىلبايەۆ، مۇحتار ماعاۋين ءوز شىعارمالارىندا بارىنشا ايشىقتى جەتكىزە ءبىلدى. ال قازىرگى زاماندا يرينا ەروفەيەۆا عىلىمي نەگىزدەرىن كەلتىرىپ، دەرەكتەردى دالەلدەدى»، - دەدى وبلىس اكىمى وڭداسىن ورازالين.

Ақтөбеде Ð'өкенбай батырдың мемориалдық кешені ашылды

ەسكەرتكىشتىڭ اشىلۋ سالتاناتىنا ەلىمىزدىڭ ءار وڭىرىنەن تاريحشىلار كەلىپ، جازۋشى، كينودراماتۋرگ ەلۋباي سماعۇل، دەپۋتات حابيبۋللا جاقىپوۆ، باتىر ۇرپاعى مۇراتباي سۇيىنعارايەۆ، مەملەكەت جانە قوعام قايراتكەرى ساپار ساعىنتايەۆ، اقتوبە وبلىسىنىڭ قۇرمەتتى ازاماتى مالىك جەكەيەۆكە ەسكەرتكىشتى اشتى.

Ақтөбеде Ð'өкенбай батырдың мемориалдық кешені ашылды

«حالىقتىڭ باسىنا سىن ساعاتى سوعاتىن كەز بولادى. سونداي كەزەڭ XVIII عاسىردىڭ باسى بولدى. 1710 -جىلى سول سىن ساعات سوقتى. ياعني، قازاق ۇلتى قالا ما، قالماي ما دەگەن شاق ەدى. حالىقتىڭ كوپشىلىگى، باتىرلار، بيلەر، حاندار، سۇلتاندار ساعى سىنىپ، قاراقۇمدا جينالىپ، ءارى قاراي نە بولاتىنىن تالقىلادى. تاعدىرشەشتى ساۋالعا جينالعان كەزدە ەل اعالارى «جوڭعارلارعا بەرىلەيىك، باسقا جول قالمادى» دەپ ويلادى. الاشتىڭ تۋى جىعىلىپ جاتقان تۇستا بوكەنباي باتىر شىعىپ، حالىقتىڭ ەڭسەسىن كوتەردى. ءقازىر «ەگەر بوكەنباي شىقپاي قالسا، باعىنىشتى ەل بولعان كەزدە نە بولار ەدى» دەپ ويلاعاندا توبە شاشىمىز تىك تۇرادى. قازاقتىڭ تاعدىرى جولايلىقتا تۇرعاندا باتىر كۇرەس جولىنا باستاپ، حالىقتى الىپ شىقتى»، - دەدى جازۋشى ەلۋباي سماعۇل.

ەسكەرتكىشتىڭ اشىلۋ سالتاناتىنا ءانشى قىدىرالى مەن قاراقات، نۇربولات ابدۋللين كەلدى.

Ақтөбеде Ð'өкенбай батырдың мемориалдық кешені ашылды

ايتا كەتەيىك، تابىن بوكەنباي باتىر جوڭعاردارمەن كۇرەستە ءابىلقايىر حانمەن بىرگە بولىپ، قازاق جاساقتارىنىڭ ۇلكەن ءبىر توبىنا قولباسشىلىق ەتتى. تاريحتا قاراقۇمداعى قازاق جاساقتارىن بىرىكتىرۋ ۇسىنىسىن ايتىپ، ۇلتتى ساقتاپ قالعان بىرەگەي باتىر رەتىندە ۇلىقتالادى.

Ақтөбеде Ð'өкенбай батырдың мемориалдық кешені ашылды

اۆتور: التىناي ساعىندىقوۆا

سوڭعى جاڭالىقتار