قىزىلوردادا جازاسىن وتەۋشىلەر اتتەستات الدى

None
None
قىزىلوردا. قازاقپارات -  قىزىلوردا وبلىسىنداعى زك-169/5 قاۋىپسىزدىگى ارالاس مەكەمەسىندە جازاسىن وتەپ جۇرگەن 10 ازامات ورتا ءبىلىمى تۋرالى اتتەستات الدى، دەپ حابارلايدى قازاقپارات ءتىلشىسى.

ولار - جاس ءوسپىرىم كەزىندە قىلمىس جاساپ ورتا ءبىلىم الۋعا ۇلگەرمەي، جازاسىن وتەۋگە ءماجبۇر بولعاندار. دەگەنمەن ز ك-169/5 قاۋىپسىزدىگى ارالاس مەكەمەسى جانىندا جالپى ءبىلىم بەرەتىن كەشكى مەكتەپ جۇمىس ىستەيدى. جازاسىن وتەۋشىلەر سول مەكتەپتە وقىپ، اتتەستات الۋعا قول جەتكىزۋىنە بولادى. سونداي-اق، اتالمىش مەكەمە جانىندا كوللەدج دە بار.

وندا جازاسىن وتەۋشىلەر ءبىلىمىن جالعاستىرىپ، ءبىر ماماندىق يەسى اتانۋعا مۇمكىندىك جاسالعان. قازىرگى تاڭدا 42 سوتتالۋشى گاز- ەلەكتر دانەكەرلەۋشى جانە تىگىنشى ماماندىقتارى بويىنشا ءبىلىم الىپ ءجۇر. بۇل وقۋ ورنىندا  قىزىلوردا قالاسىندا م. ىقسانوۆ اتىنداعى «قىزىلوردا قۇرىلىس جانە بيزنەس»، «قىزمەت كورسەتۋ جانە سەرۆيس» كوللەدجدەرىنىڭ ۇستازدارى ءبىلىم بەرەدى.

«جازاسىن وتەۋشىلەر وسىندا مەرزىمدەرى بىتكەنشە بەلگىلى ءبىر ماماندىققا يە بولادى. ال، تۇزەۋ مەكەمەسىنەن شىققاندا وزدەرىنىڭ ۇيرەنگەن كاسىبى بويىنشا ەڭبەۋ ەتۋىنە بارلىق مۇمكىندىك بار»، - ءمالىم ەتتى  قىزىلوردا وبلىسى بويىنشا قىلمىستىق اتقارۋ جۇيەسى دەپارتامەنتىنىڭ باسپا ءسوز حاتشىسى دانا دوستانوۆا.

اۆتور: ءادىلجان ۇمبەت

سوڭعى جاڭالىقتار