+7 (701) 759 90 19
0 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قازاقستاندىق زاڭگەرلەر سايلاۋ قورىتىندىسى بويىنشا مالىمدەمە جاسادى

16 ماۋسىم 12:35
:ءبولىسۋ
قازاقستاندىق زاڭگەرلەر سايلاۋ قورىتىندىسى بويىنشا مالىمدەمە جاسادى

نۇر-سۇلتان. قازاقپارات - «زاڭگەرلەر ءادىل سايلاۋ ءۇشىن» رەسپۋبليكالىق قوعامدىق بىرلەستىگى كەزەكتەن تىس پرەزيدەنت سايلاۋى جونىندە مالىمدەمە جاسادى، دەپ حابارلايدى قازاقپارات ءتىلشىسى.

«ەكى اي بويى سايلاۋ پروتسەسىنە ءجىتى باقىلاۋ جۇرگىزدىك. ازاماتتاردىڭ سايلاۋ زاڭناماسىنا قاتىستى سۇراقتارىنا جاۋاپ بەردىك. كەزەكتەن تىس سايلاۋ جاريالانعان ساتتەن باستاپ، كانديداتتاردى ۇسىنۋ جانە تىركەۋ، سايلاۋ الدىنداعى ناۋقاندى جۇرگىزۋ، تىنىشتىق كۇنى جانە سايلاۋ كەزەڭدەرىنىڭ بارلىعىنا قۇقىق تۇرعىسىنان باعا بەرىپ وتىردىق»، - دەدى زاڭ عىلىمدارىنىڭ كانديداتى، «قازاقستان زاڭگەرلەر وداعىنىڭ» ءتوراعاسى سەرىك اقىلباي ەلوردادا وتكەن باسپا ءسوز بريفينگىندە.

زاڭگەرلەردىڭ باعالاۋىنشا، قازاقستان پرەزيدەنتىنىڭ سايلاۋى كونستيتۋتسيالىق زاڭدا بەلگىلەنگەن تارتىپكە ساي ءوتتى.

«قاتىسۋشىلارعا اشىق باسەكەگە تۇسۋگە بارلىق جاعداي جاسالدى. بارلىق كانديداتتىڭ باعدارلامالىق قۇجاتتارى جاريالاندى جانە قولجەتىمدى بولدى. سايلاۋ جۇيەسى ءتيىمدى جانە اشىق جۇمىس ىستەدى: سايلاۋعا قاتىسۋ ناتيجەسى ۇنەمى جاڭارتىلىپ وتىردى، ازاماتتاردىڭ ەركىن شەشىم جاساۋىنا ەشكىم كەدەرگى جاسامادى. بارلىق وڭىرلەردە داۋىس بەرۋگە جاعداي جاسالدى، سونىمەن بىرگە تۇرعىلىقتى جەرى بويىنشا مەكەنجاي دەرەكتەرىن دەر كەزىندە قولدانۋعا مۇمكىندىك بەرىلدى. قازاقستاندىق سايلاۋ باقىلاۋشىلار ينستيتۋتىنىڭ بەلسەندى اتسالىسقانى - قۋانىشتى جايت. بۇل ازاماتتىق جاۋاپكەرشىلىكتىڭ، سانا-سەزىمنىڭ جانە جاڭا دەموكراتيالىق داستۇرلەردىڭ قالىپتاسۋىن كورسەتەدى»، - دەدى وداق ءتوراعاسى.

سونىمەن بىرگە، ول قازاقستاندىق جانە حالىقارالىق باقىلاۋشىلاردىڭ سايلاۋ زاڭناماسىن بۇزۋ فاكتىلەرىن بايقاعانىن اتاپ ءوتتى. وسى جاعدايلاردىڭ بارلىعى مۇقيات تەكسەرىلىپ، زاڭ بۇزۋشىلاردىڭ جاۋاپكەرشىلىگى تۋرالى شەشىمدەر زاڭنامادا بەلگىلەنگەن تارتىپكە سايكەس قابىلدانۋى ءتيىس.

«سايلاۋ - قۇقىقتىق عانا ەمەس، سونداي-اق ساياسي پروتسەسس. وعان قۇقىقتىق ينستيتۋتتارمەن قاتار ساياسي ينستيتۋتتار دا كىرەدى: پىكىرتالاستار، ساياسي پارتيالاردىڭ، قوعامدىق بىرلەستىكتەردىڭ، ولاردىڭ كانديداتتارىنىڭ جۇمىسى جانە ت. ب. كوپتەگەن ساياسي پروتسەستەر قوعامنىڭ قۇقىقتىق جانە ساياسي مادەنيەتىنە تىكەلەي بايلانىستى. سايلاۋعا دايىندىق كەزىندە بىرنەشە رەت قايتالاپ وتتىك: بۇل - ءار ادامنىڭ جەكە قۇقىعى جانە شەشىمى، ياعني كىمگە داۋىس بەرەتىنىن، داۋىس بەرۋ قۇقىعىن قالاي جۇزەگە اسىراتىنىن ءار ادام ءوزى بىلەدى. كوپتەگەن ادامدار وسى قۇقىقتى قولداندى. دەگەنمەن، زاڭ بويىنشا داۋىس بەرۋ - بۇل مىندەت ەمەس، بۇل - قۇقىق. ازاماتتىق سانا- سەزىمىزدى ءبىلدىرۋ ارقىلى عانا ءبىز كونستيتۋتسيامەن بەلگىلەنگەن حالىق بيلىگى قاعيداتىن جۇزەگە اسىرىپ، ەلىمىزدىڭ بولاشاعىن قالىپتاستىرۋعا قاتىسا الامىز»، - دەدى سەرىك اقىلباي.

ەسكە سالا كەتسەك، 2019 -جىلدىڭ 9 -ماۋسىمىندا قازاقستاندا كەزەكتەن تىس پرەزيدەنت سايلاۋى ءوتتى. وعان قازاقستان حالقىنىڭ %77 استامى قاتىستى. ەل ىشىندە جانە شەت ەلدەردە 9968 سايلاۋ ۋچاسكەسى جۇمىس ىستەدى. ناتيجەسىندە سايلاۋشىلاردىڭ %70,96 قاسىم-جومارت توقايەۆقا داۋىس بەردى.

اۆتور: ايجان سەرىكجان قىزى


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات