قىلمىسكەردى ۇستاۋعا كومەكتەسكەن ەلوردالىق بالالار ماراپاتتالدى

None
None
نۇر-سۇلتان. قازاقپارات - بۇگىن نۇر-سۇلتان قالالىق پوليتسيا دەپارتامەنتى باسشىسىنىڭ ورىنباسارى رۋستام شاريبايەۆ مەكتەپ وقۋشىلارىن ماراپاتتادى.

ولار قايسارلىق، قىراعىلىق جانە ازاماتتىق ۇستانىمىن كورسەتىپ، قىلمىسكەردى ۇستاۋعا كومەكتەسكەن بولاتىن، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قزىمەتىنە سىلتەمە جاساپ.

پوليتسەيلەر بالالارعا گراموتا مەن ەستەلىك سىيلىقتار تارتۋ ەتتى. سونداي-اق، ولاردىڭ اتا-اناسى مەن ۇستازدارىنا العىس ايتتى.

ەسكە سالا كەتەيىك، 12 -ماۋسىم كۇنى كەشكى ساعات 20:00 شاماسىندا ءۋاليحانوۆ كوشەسىندەگى ءۇيدىڭ اۋلاسىندا ماس ەركەك كىشكەنتاي بالالارعا تاپانشا كەزەنىپ، قورقىتقان بولاتىن. بۇل وقيعانى وسى ءۇيدىڭ تۇرعىندارى كورىپ، جاعا ۇستادى. وسى كەزدە قىزمەتتە جۇرگەن پوليتسەيلەرگە №27 جانە №37 -ورتا مەكتەپتىڭ وقۋشىلارى ديلنۇر امانگەلديەۆ پەن دانيار اسقاروۆ جۇگىرىپ كەلىپ، قولىنداعى تاپانشاسىمەن ەلدىڭ زارە-قۇتىن قاشىرعان ەر ادام تۋرالى ايتتى. بالالار ايتقان جەرگە شۇعىل جەتكەن پاترۋل پوليتسياسى پولكىنىڭ اعا سەرجانتى رۋسلان شميدت ەر ادامدى سوزگە تارتىپ، قولايلى ءسات تۋعاندا ارنايى ادىسپەن ونى جەرگە قۇلاتىپ، قارۋىن تارتىپ الدى. سول ساتتە وعان اعا لەيتەنانت جاندوس وزبەك كومەككە كەلەدى. «اتالعان فاكتى بويىنشا ق ر ق ك 287-بابى بويىنشا سوتقا دەيىنگى تەرگەۋ جۇمىستارى ءجۇرىپ جاتىر. مەديتسينالىق تەكسەرۋ ەر ادامنىڭ ماس بولعانىن كورسەتتى» دەلىنگەن حابارلامادا.

Қылмыскерді ұстауÒ

سوڭعى جاڭالىقتار