ءومىردىڭ ءمانىن قالاي تابۋعا بولادى - الەمدىك باسپا سوزگە شولۋ

None
None
نۇر-سۇلتان. قازاقپارات - «قازاقپارات» ح ا ا ادەتتەگىدەي وقىرمان نازارىنا الەمدىك اقپارات كوزدەرىنە شولۋىن ۇسىنادى.

پلاستيكالىق لاستانۋدىڭ 80 پايىزى كەدەي ەلدەرگە تيەسىلى - BBC

الەم بويىنشا، اسىرەسە دامۋشى مەملەكەتتەردە پلاستيكالىق لاستانۋ ۇلكەن ەكولوگيالىق پروبلەماعا اينالدى. وسىعان بايلانىستى BBC باسىلىمى سيفرلىق جۇيە پلاستيكالىق لاستانۋمەن كۇرەس سالاسىنا رەۆوليۋتسيا اكەلە الا ما دەگەن سۇراققا جاۋاپ ىزدەپ كورىپتى.

Өмірдің мәнін қалай табуÒ

«فيليپپيندەگى مانيل ارالدارىنىڭ تۇرعىندارى بىرنەشە اي بۇرىن پلاستيكالىق قوقىسقا تولى جەردى تازالاپ قويدى. 27 -قاڭتار كۇنى باستالعان تازالىق ناۋقانىنا بەس مىڭنان استام ەرىكتى قاتىسقان. ولار ايماقتى 45 توننا قوقىستان تازالاپتى»، دەپ جازادى باسىلىم.

اۆتوردىڭ جازۋىنشا، قورشاعان ورتانى قالپىنا كەلتىرۋ ارەكەتى قاڭتار ايىنان بۇرىن باستالىپ كەتكەن. «2018 -جىلدىڭ جەلتوقسانىندا برۋكليننەن كەلگەن Bounties Network توبى پيلوتتى جوبا اياسىندا مانيل ارالدارىنان ەكى كۇننىڭ ىشىندە ءۇش توننا قوقىس شىعارعان. بۇل جوبا اياسىندا قوقىس تازالاۋشى ەرىكتىلەرگە سيفرلى ۆاليۋتامەن تازالانعان قوقىس كولەمىنىڭ بەلگىلى ءبىر بولىگى كەشبەك رەتىندە تولەنىپ وتىرعان»، دەپ جازادى اۆتور.

Өмірдің мәнін қалай табуÒ

ونىڭ ايتۋىنشا، بۇل جوبا جاھاندىق لاستانۋمەن كۇرەسۋ ءۇشىن ءارى كەدەي حالىقتار ءۇشىن ۇلكەن مۇمكىندىك بولا باستاعان. «عالىمداردىڭ ايتۋىنشا، پلاستيكالىق لاستانۋدىڭ 80 پايىزى كەدەيلىك كورسەتكىشى جوعارى جەرلەرگە تيەسىلى. وسى دەرەككە سۇيەنە وتىرىپ پلاستيك قالدىقتاردى قايتا وڭدەۋ جۇمىسىنا رەۆوليۋتسيا اكەلۋگە بولادى. جوعارىدا ايتىلعان جوبانىڭ بالاماسى يندونەزيا، تايلاند، گايتي جەرلەرىندە كەلەسى جىلى قولعا الىنباق»، دەيدى اۆتور.

Өмірдің мәнін қалай табуÒ

Uber اۆستراليادا اۋە تاكسيىن ىسكە قوسادى -
АВС News

2023 -جىلى اۆستراليادا اۋە تاكسيى قىزمەتىن ىسكە قوسادى، دەپ حابارلادى АВС News باسىلىمى. جازۋىنشا، مەلبۋرن قالاسى Uber Air اتتى جوبا قولعا الىناتىن لوس- اندجەلەس پەن داللاستان كەيىنگى ءۇشىنشى قالا بولادى.

Өмірдің мәнін қалай табуÒ

«ۆاشينگتوندا وتكەن Uber Elevate Summit كونفەرەنتسياسىندا كومپانيا وكىلدەرى اۋە تاكسي قىزمەتى ءۇشىن مەلبۋرننىڭ تاپتىرماس ورىن ەكەنىن ايتتى. اۋە تاكسي قىزمەتى 2020 -جىلى تاجىريبەدەن وتكىزىلە باستايدى. بۇل جوبانىڭ باستى ماقساتى - كولىك جۇيەسىن، اسىرەسە اۋەجايلاردى مەگاپوليس ورتالىقتارىمەن بايلانىستىرۋ»، دەپ جازادى اۆتور.

Өмірдің мәнін қалай табуÒ

اۆستراليانىڭ ازاماتتىق اۆياتسيا قاۋىپسىزدىگى باسقارماسى وكىلدەرى بۇل جوبا باستالماس بۇرىن ارنايى تالاپتارعا ساي ەكەنىن دالەلدەۋ كەرەكتىگىن ايتتى. اسىرەسە، اۋە تاكسيىنىڭ جۇرگىزۋشىلەرى ارنايى دايىندىق پەن جاتتىعۋدان وتۋگە مىندەتتەلەتىن بولادى. ال كۆينسلەند ۋنيۆەرسيتەتى عالىمى دجەك ۋايتحەدتىڭ ايتۋىنشا، Uber Air جوباسىنىڭ ىسكە اسىرىلۋىنا ەڭ الدىمەن بيلىك دايىن بولۋى كەرەك.

Өмірдің мәнін қалай табуÒ

كليماتتىڭ وزگەرۋى ادامزاتتىڭ تۇبىنە جەتە مە - Vox

«كليماتتىڭ وزگەرۋى ادامزات وركەنيەتىنىڭ سوڭىنا اينالا ما؟»، دەپ جازادى Vox باسىلىمى. جازۋىنا قاراعاندا، جاقىندا جارىققا شىققان جاڭا باياندامادا الداعى وتىز جىلدا ادامزات وتكەنيەتىنىڭ جويىلۋى مۇمكىن ەكەنى ايتىلعان. بۇل باياندامانى اۆستراليا ساراپتاما ورتالىعىنىڭ عالىمدارى جاريالاپتى.

Өмірдің мәнін қалай табуÒ

«دەگەنمەن، كوپتەگەن كليماتولوگتار كليماتتىڭ وزگەرۋى ادامزات وتكەنيەتىنىڭ سوڭىنا، ءتىپتى، ادامزاتتىڭ ولىمىنە الىپ كەلەتىنى تۋرال تەوريانى جوققا شىعارۋدا. ياعني، عالىمدار اراسىندا كليماتتىڭ وزگەرۋ ادامزاتقا قاۋىپتى دۇنيە مە الدە ادامزاتتى ولتىرەتىن قۇبىلىس پا دەگەن پىكىرتالاس تولاستار ەمەس»، دەيدى اۆتور. ونىڭ ايتۋىنشا، كليماتتىڭ وزگەرۋى تۋرالى پىكىرتالاستار ۋاقىتتى بوسقا وتكىزۋ عانا، ال شىنداپ كەلگەندە بارلىعىمىزعا ارەكەت ەتە باستاۋ كەرەك.

«بۇكىلالەمدىك بانك كليماتتىڭ وزگەرۋى اشتىق، قۇرعاقشىلىققا اپارىپ، جاندىكتەر ارقىلى تارايتىن اۋرۋلاردى ارتتىرادى. حالىقتار اراسىندا كەدەيلىكتىڭ كوبەيۋىنە الىپ كەلەدى. دەگەنمەن، بۇل جاپپاي وركەنيەت كوللاپسىنا اكەلەدى دەگەن ءسوز ەمەس»، دەيدى اۆتور.

بالمۇزداقتان باس تارتۋ نەگە قيىن - The New York Times

مايعا قۋىرىلعان كارتوپ (چيپسى)، بالمۇزداق پەن پيتستسا قۇرامىندا قانت، ماي مەن تۇز كوپ. عالىمدار مۇنداي ونىمدەردىڭ قانداي زيانى بار ەكەنىن انىقتاۋعا تىرىسىپ باعۋدا»، دەپ جازادى The New York Times باسىلىمى.

Өмірдің мәнін қалай табуÒ

ارزان ونىمدەردىڭ كەڭ تاراۋى بۇكىل الەم بويىنشا سەمىزدىك كورسەتكىشىنىڭ ارتۋىنا اسەر ەتۋدە. ال مامانداردىڭ مۇنداي ونىمدەردى تۇتىنۋعا بولمايتىنى تۋرالى ەسكەرتۋى ەش ناتيجە بەرەر ەمەس.

«جاقىندا عالىمدار وڭدەلگەن ونىمدەر تۋرالى ءۇش بىردەي زەرتتەۋ جۇرگىزدى. وڭدەۋ كورسەتكىشى جوعارى ونىمدەر وندىرىستىك قوسپالاردان، تابيعي ونىمدەر قوسىلماي جاسالادى. گازدى سۋسىندار، جىلدام دايىندالاتىن ءتاماقتاردىڭ وڭدەۋ كورسەتكىشى وتە جوعارى. عالىمداردىڭ ايتۋىنشا، ادامدار وڭدەلگەن تاماقتى تۇتىنعاندا كۇنىنە بەس ءجۇز كالوريي ارتىق پايدالانادى. سونىمەن قاتار، وڭدەلگەن تاماق جۇرەك قانتامىر اۋرۋلارىن تۋعىزاتىنى دا بەلگىلى بولدى» ، دەي كەلە اۆتور مۇنداي ونىمدەردەن ادام قالاسا دا باس تارتا المايتىنىن ايتادى. «وڭدەلگەن تاماقتاردىڭ ءدامى ءتۇرلى قوسپالار اسەرىنەن وتە ءدامدى بولادى. سول سەبەپتى بالمۇزداق پەن ءتۇرلى تاتتىلەردەن باس تارتۋ وتە قيىن.

ءتىپتى، وڭدەلگەن تاماقتى وتە از مولشەردە جەگەننىڭ وزىندە تابەتتى قاشىراتىن گورمون كوپتەپ ءبولىنىپ، اشىقتىرمايتىن گورمون از بولىنەدى. سونىمەن قاتار، وڭدەلگەن ونىمدەر جۇمساق بولادى، سول سەبەپتى تەز جەلىنەدى»، دەپ جازادى اۆتور.

قۇس ەتى دە دەنساۋلىققا زيان -  Focus

«وسى كۇنگە دەيىن قۇس ەتى اقۋىزدىڭ پايدالى كوزى رەتىندە اتالىپ كەلدى. دەگەنمەن، The American Journal of Clinical Nutrition جۋرنالىندا جاريالانعان زەرتتەۋ ناتيجەلەرىنە سەنسەك، قىزىل ەت سياقتى قۇس ەتى دە دەنساۋلىققا زيان بولىپ شىقتى»، دەپ جازادى Focus باسىلىمى.

Өмірдің мәнін қалай табуÒ

«وسى اپتادا جاريالانعان زەرتتەۋ ناتيجەلەرىندە كاليفورنيا ۋنيۆەرسيتەتىنىڭ عالىمدارى قۇس ەتىنىڭ قانداعى حولەستەرين قۇرامىنا اسەرىن زەرتتەگەنىن ايتتى. زەرتتەۋگە 21-65 جاس ارالىعىنداعى دەنى ساۋ 100 ايەل مەن ەر ادام قاتىستى. ولار قىزىل ەت، قۇس ەتى مەن ەتسىز تاماقتانىپ، ءۇش ءتۇرلى ديەتا ۇستادى. زەرتتەۋشىلەر اس ءمازىرىن وزدەرى جاساپ، ءار ديەتادان سوڭ قان قۇرامىن زەرتتەدى. قىزىل ەتتەن سيار ەتى، قۇس ەتىنەن تاۋىق ەتى تاڭداپ الىندى. زەرتتەۋ ناتيجەسى كورسەتكەندەي، قان قۇرامىداعى حولەستەرين كورسەتكىشى سيىر ەتى مەن اۋىق ەتىن تۇتىنعان ادامداردا بىردەي بولىپ شىقتى. ياعني، وسى كۇنگە دەيىن حولەستەرين كورسەتكىشىن تومەندەتۋ ءۇشىن قۇس ەتىن جەۋ كەرەك دەگەن ۇسىنىس ەسكىرىپ كەتكەن»، دەپ جازادى باسىلىم.

ءومىردىڭ ءمانىن قالاي تابۋعا بولادى - Dagens Nyheter

«ادام ۇنەمى مانساپ پەن اقشا تۋرالى ويلاپ، ءوزىنىڭ قالاۋى مەن ارماندارى تۋرالى مۇلدەم ۇمىتىپ كەتەدى. سونداي ساتتەردە كوبى ءومىردىڭ ءمانى نەدە دەگەن سۇراققا جاۋاپ تابۋعا تىرىسادى. جاپون ەلىندە «يكيگاي» دەپ اتالاتىن تۇجىرىم بار. بۇل نەبارى ءتورت سۇراققا جاۋاپ بەرە وتىرىپ ءومىردىڭ ءمانىن تابۋعا كومەكتەسەدى»، دەپ جازادى شۆەتسيانىڭ Dagens Nyheter باسىلىمى.

«يكيگاي، ياعني، ءومىردىڭ ءمانىن تابۋ جاپونيانىڭ وكيناۆا ارالىنان كەلگەن. بۇل ارال جوعارى ءومىر ءسۇرۋ ۇزاقتىعىمەن تانىمال. سونداي-اق جەرگىلىكتى تۇرعىندار زەينەتكە شىقسا دا ەرتە تۇرىپ، وزدەرىنە ۇنايتىن ىسپەن اينالىسۋعا تىرىسادى. ءتىپتى، ءجۇز جاستاعى قارتتاردىڭ ءوزى كاراتە ۇيرەنىپ، اۋىلداردى ارالاۋعا قۇمار»، دەپ جازادى اۆتور. ونىڭ ايتۋىنشا، يكيگاي تۇجىرىمىندا ءومىردىڭ ءمانىن تابۋ ءۇشىن ءتورت سۇراققا جاۋاپ بەرۋ كەرەك.

«ءبىرىنشى سۇراق - ماعان نە ۇنايدى؟ بۇل وتە وڭاي سۇراق كورىنگەنىمەن، وعان جاۋاپ بەرۋ قيىندىق تۋعىزادى. كەيدە ادام وزىنە ۇنايتىن نارسەنى تاپپاعان بولۋى دا مۇمكىن. ونداي جاعدايدا بۇل سۇراققا جاۋاپ بەرۋ ءۇشىن تاجىريبە جاساپ كورۋ كەرەك. سونىمەن قاتار قازىرگى قوعامداعى مانساپ قۋىپ، اقشا تابۋدى ماڭىزدى ساناۋ ءۇردىسى وزىنە ۇنايتىن نارسەدەن الىستاتىپ، بۇل سۇراققا جاۋاپ بەرۋدى قيىنداتادى»، دەپ جازادى اۆتور.

ەكىنشى سۇراق - مەن نەنى جاقسى ىستەيمىن؟ مەنىڭ قولىمنان كەلەتىن نارسە نە؟ «ادام وزىنە ۇنايتىن ءىستى انىقتاعان سوڭ قولىمنان نە كەلەدى دەگەن زاڭدى سۇراق تۋىندايدى. وزىڭە ۇنايتىن ءىستى انىقتاعان سوڭ قابىلەتىڭدى ساراپتاپ، سونىمەن بايلانىستىرا باستايسىڭ. يكيگاي - قۋانىش سىيلاۋ. ياعني، ادامعا قۋانىش سىيلايتىن ارەكەتتى انىقتاۋ كەرەك. بۇل جەردە ماماندىق تۋرالى ايتىپ وتىرعانىمىز جوق»، دەيدى اۆتور. يكيگايدى تابۋ ءۇشىن رەيتينگ جاساپ، ادام وزىنە ۇنايتىن ىستەرمەن اينالىسىپ كورۋى كەرەك.

«ءۇشىنشى سۇراق - مەن قاي ارەكەتىم ءۇشىن اقشا الا الامىن؟ مىسالى، اعاشتان جاسالعان دۇنيەلەردى ساتۋ، ءدارىس وقۋ. يكيگاي - كۇن سايىن ۇزدىكسىز جۇمىس ىستەۋ نەمەسە ءوز قابىلەتىڭدى دامىتۋ»، دەيدى اۆتور.

ءتورتىنشى سۇراق - الەمگە نە كەرەك؟ «قابىلەتىڭدى انىقتاپ بولعان سوڭ سول ارەكەتىڭ ارقىلى الەمگە قانداي پايدا تيگىزىپ، ارەكەت ەتە الاتىنىڭدى انىقتاۋ. بۇل يكيگاي ءۇشىن وتە ماڭىزدى. ياعني، ادام ءوزىنىڭ ارەكەتتەرىنە رازى بولىپ، اينالاسىنا پايدا تيگىزۋى كەرەك. بۇل ارەكەت ادامعا اقشا دا، باقىت تا اكەلۋى كەرەك. يكيگاي ادامعا اينالىپ كەلەتىن بۋمەرانگ ىسپەتتى. ادام سۇيىكتى ءىسىن تاپسا، ءومىرى جەڭىلدەي باستايدى. ياعني، ادام جانى قالاعان ىسپەن اينالىسۋى كەرەك»، دەپ جازادى اۆتور.

 

اۆتور: ايكۇمىس بولاتبەك

سوڭعى جاڭالىقتار