ءبىلىم بەرۋ ءىسىنىڭ ۇزدىگى ءمارزيا تۇرلىحانوۆا ومىردەن وزدى
بۇل جونىندە مارقۇمنىڭ ۇلى، ك س ر و ەڭبەك سىڭىرگەن سپورت شەبەرى، گرەك-ريم كۇرەسىنەن وليمپيادا ويىندارىنىڭ جۇلدەگەرى داۋلەت تۇرلىحانوۆ Instagram پاراقشاسىندا جازدى. ايتا كەتەيىك، ءمارزيا ايتباي قىزىمەن قوشتاسۋ 17 -ماۋسىم كۇنى ساعات 10:00 دە الماتىداعى «دوستىق» سپورت كەشەنىندە وتەدى.
ءمارزيا تۇرلىحانوۆا 1940 -جىلى 16 -اقپاندا شىعىس قازاقستان وبلىسى اياگوز اۋدانىنىڭ تاسكەسكەن اۋىلىندا دۇنيەگە كەلگەن. 1971 -جىلى سەمەي قالاسىنداعى پەداگوگيكالىق ينستيتۋتتى ماتەماتيكا ماماندىعى بويىنشا ءبىتىردى. العاشقى ەڭبەك جولىن اياگوز اۋدانىنداعى ورتا مەكتەپتە مۇعالىم بولىپ باستاعان. ۇزدىكسىز ۇستازدىق ەڭبەك ستاجى - 48 جىل. پەداگوگيكا عىلىمدارىنىڭ كانديداتى، پروفەسسور، قازاقستاننىڭ ەڭبەك سىڭىرگەن قوعام قايراتكەرى، ق ر ءبىلىم بەرۋ ءىسىنىڭ ۇزدىگى. ءمارزيا ايتباي قىزى سونداي-اق، كوپبالالى باتىر انا. 9 پەرزەنت تاربيەلەپ، وسىرگەن.