الماتىدا اۆتوبۋس اۋدارىلىپ قالدى

None
None
الماتى. قازاقپارات - الماتىدا ساياحات اۆتوۆوكزالى مەن تالعار اراسىندا قاتىنايتىن جولاۋشىلار اۆتوبۋسى اۋدارىلىپ قالدى، دەپ حابارلايدى قازاقپارات.

وقيعاعا قاتىستى قالالىق موبيلدىلىك باسقارماسى تۇسىنىك بەردى. «جول اپاتى بۇگىن ساعات 14:27 دە بولدى. قالا ماڭىنا قاتىنايتىن №203 -باعىتتاعى اۆتوبۋس (مەملەكەتتىك ءنومىرى - 132) تالعار تراسساسىندا سولتۇستىكتى بەتكە الىپ كەلە جاتقاندا جۇرگىزۋشى ءدال الدىنا كەلىپ تەجەگىشىن باسقان جەڭىل كولىكپەن سوقتىعىسپاس ءۇشىن مانەۆر جاساعان. سالدارىنان اۆتوبۋس اۋدارىلىپ، وزەنگە قۇلاپ كەتتى. ەكى ادام جەڭىل جاراقات العان. جەدەل جاردەم شاقىرىلدى»، - دەپ ءمالىم ەتتى باسقارمادان.

ايتا كەتەيىك، قالا مەن قالا ماڭىنداعى اۋىلداردى بايلانىستىراتىن بۇل باعدار وتكەن جىلدىڭ جەلتوقسانىندا ىسكە قوسىلعان بولاتىن.

 

سوڭعى جاڭالىقتار