ءدۇبىرلى جەكپە-جەك: ش ق و-دا قازاقشا كۇرەستەن حالىقارالىق گران-پري ءوتتى

None
None
وسكەمەن. قازاقپارات - ش ق و تارباعاتاي اۋدانىندا ىرعىزباي دوسحانا ۇلى اتىنداعى ورتالىق ستاديوندا مىڭداعان ادام جينالىپ، 30 مەملەكەتتەن كەلگەن 90 بالۋاننىڭ كۇرەسىن تاماشالادى، دەپ حابارلايدى قازاقپارات.

اتالمىش تۋرنير جەتىنشى رەت وتكىزىلىپ وتىر. وسى ۋاقىت ارالىعىندا وعان قاتىسۋشىلار مەن مەملەكەتتەر سانى ارتتى. ال بيىل «تۇعىرى بيىك تارباعاتاي» ونەر مەن سپورت فەستيۆالى اياسىندا ءوتۋى اۋقىمدىلىعىن كەڭەيتىپ وتىر. حالىقارالىق دەڭگەيدەگى تورەشى، ونەر مەن سپورت فەستيۆالىن ۇيىمداستىرۋشى كوميتەتتىڭ ءتوراعاسى تالعات مازىبايەۆتىڭ ايتۋى بويىنشا، قازاق كۇرەسى قىركۇيەك ايىندا كورەيادا وتەتىن الەمدىك ويىنداردىڭ تىزىمىنە ەندى. سوندىقتان تۋرنيرگە شەتەلدىك سپورتشىلاردىڭ قاتىسۋى جاقسى مۇمكىندىك.

«ءبىز جىل سايىن حالىقارالىق سپورتشىلاردى اشىق اسپان استىنداعى تۋرنيرگە شاقىرامىز. ەۋروپا ەلدەرىندە قازاق كۇرەسى تانىمالدىلىعىنىڭ ارتۋى قۋانتادى. الداعى ۋاقىتتا قازاق كۇرەسىن وليمپيادا ويىندارىنا قوسۋ ماقساتىمىز بار. ونىڭ بارلىعى ۋاقىت ەنشىسىندە. بيىل العاش رەت يتاليا، رۋمىنيا جانە نيدەرلانديا مەملەكەتتەرىنىڭ بالۋاندارى قاتىسۋدا»، - دەدى باس تورەشى.

Р

گرەكيالىق كوماندا وكىلى پەكوس تەودوراس ءوزى بالا كەزىندە اتالمىش سپورت تۇرىمەن اينالىسقانىن ايتتى. «ءبىز وسى تۋرنيرگە نەشە مارتە قاتىسىپ كەلەمىز. جىلدان جىلعا تريبۋنالار جانكۇيەرلەرگە تولىپ، شارانىڭ اۋقىمدىلىعىنىڭ ارتقاندىعىنىڭ كۋاسىمىز»، - دەدى پەكوس تەودوراس. كۇنى بويى سپورتشىلار ۇلكەن سىنعا ءتۇستى. بارلىق 90 سپورتشى ءوز ەلدەرىنىڭ نامىسىن جوعارى شەبەرلىكپەن قورعاپ شىقتى. ناتيجەسىندە 70 كەلى سالماقتا قولا جۇلدەگە مولدوۆا سپورتشىسى گەوردجە روكۋ، كۇمىسكە قازاقستاندىق وسكەن تولەۋبەكوۆ، ال التىن جۇلدەگە گرۋزيالىق زۆياد ودوشەشۆيلي يە بولدى.

Р

80 كەلى سالماقتا ءبىرىنشى ورىندى تاجىكستان سپورتشىسى حامروز رادجابو، ەكىنشى ورىندى گرۋزيالىق كاحا مومۋلاشۆيلي، ءۇشىنشى ورىندى قازاقستاندىق بەكزات ماناسبايەۆ يەلەندى. 80 نەن جوعارى سالماقتا تارتىلىس قىزۋ بولدى. قازاقستاندىق ايبەك نۇعىماروۆ پەن وزبەكستاندىق مۋحسين حيسومۋدينوۆتىڭ جەكپە-جەگىن كورەرمەندە قىزىعۋشىلىقپەن تاماشالادى. ۇلكەن تارتىس ناتيجەسىندە حالىقارالىق گران-پريدى ايبەك نۇعىماروۆ يەلەندى. بالۋان مۋحسين حيسومۋدينوۆ ەكىنشى ورىنعا، گرۋزيالىق گەوردجي كاتارادزە ءۇشىنشى ورىنعا تابان تىرەدى.

«شىعىس قازاقستانعا الەمنىڭ 30 مەملەكەتى كەلۋى ۇلكەن جەتىستىك. قازاق كۇرەسى تانىمال بولىپ كەلەدى. بۇل قۋانتارلىق جايت»، - دەدى چەمپيون ايبەك نۇعىماروۆ.

Р

ماراپاتتاۋدان كەيىن جەڭىمپازدار «Qazaq promotion» كومپانياسى ۇسىنعان سالتاناتتى ءارى ۇلكەن كونسەرتتى تاماشالادى. ەرتەڭ حالىقارالىق 140 شاقىرىمدىق ات بايگەسى وتەدى.

سوڭعى جاڭالىقتار