سولتۇستىك قازاقستان تۇرعىنى ۇيىندە سيرەك كەزدەسەتىن قۇستاردى وسىرەدى

None
None
پەتروپاۆل. قازاقپارات - سولتۇستىك قازاقستان وبلىسىنىڭ تۇرعىنى ۆاسيلي ستاركوۆ ۇيىندە سيرەك كەزدەسەتىن قۇستاردى ءوسىرىپ، باپتاۋمەن اينالىسادى، دەپ حابارلايدى قازاقپارات ءتىلشىسى.

پرەسنوۆ ەلدىمەكەنىنىڭ تۇرعىنى ۆاسيلي ستاركوۆتىڭ قۇس قوراسىندا كەپتەردىڭ عانا سيرەك كەزدەسەتىن 5 ءتۇرى بار. قۇس ءوسىرۋشىنىڭ ايتۋىنشا، قازىر الەمدە كوگەرشىننىڭ مىڭنان استام ءتۇرى وسىرىلەدى. ولاردىڭ بارلىعى جابايى كەپتەردەن باستاۋ الادى. ال، ونىڭ كەپتەرلەرىنىڭ ءارقايسىسى ءبىر قويدىڭ قۇنىنا تەڭ. ماسەلەن سالپىقانات دەپ اتالاتىن ءتۇرى بۇگىندە كورمەلەردىڭ سانىنە اينالعان. «سالپىقاناتتىڭ ەرەكشەلىگى كەۋدەسى كوتەرىڭكى جانە تۇقىمنىڭ تۇرىنە قاراي قۇيرىعىندا بىرنەشە باعىتتاۋىش قاۋىرسىنى بار. كوزى اشىق، ادەمى. ءپىشىنى، تۇلعاسى كەلىستى. سالپىقانات كەپتەرلەر 1975 -جىلى كورمەدە العاش رەت ءبىرىنشى ورىن الىپ، الەمگە تانىلدى» ، - دەيدى ۆاسيلي ستاركوۆ.

СҚО тұрÒ

ۆاسيلي ستاركوۆ كوگەرشىن وسىرۋمەن التى جاسىنان باستاپ اينالىسىپ كەلەدى. اسىل تۇقىمدى قۇستى ءوسىرىپ قانا قويماي، كوبەيتەدى دە. سالپىقانات كەپتەر ءبىر ماۋسىمدا التى بالاپان شىعارادى. ونىڭ ايتۋىنشا، «قۇستىڭ ءسۇتى» اڭىز ەمەس. كوگەرشىندەر جاڭا تۋعان بالاپاندارىن ءبىر اپتا بويى ءوز سۇتىمەن اسىرايدى ەكەن. جالپى ورنيتولوگ مامانداردىڭ سوزىنە قاراعاندا، اعزاسىنان ءسۇت بولەتىن قۇستار تابيعاتتا ساناۋلى عانا. ولار - قايشىاۋىز تورعاي، يمپەراتور پينگۆينى مەن فلامينگو. «كوگەرشىننىڭ باسقا قۇستاردان ەرەكشەلىگى - ول جاڭا شىققان بالاپانىن ءبىر اپتا قۇس سۇتىمەن اسىرايدى. كوگەرشىن ءسۇتى ءبىز كورىپ جۇرگەندەي سۇيىق ەمەس، ىرىمشىك سەكىلدى بولادى. جانە ول اسقازانىنان بولىنەدى. جاڭا شىققان بالاپانداردى اتالىق كەپتەرلەر دە «ءسۇت» ءبولىپ اسىرايدى»، - دەيدى تاجىريبەلى كەپتەرشى.

СҚО тұрҠ

ءۇي قۇسىنىڭ بۇل ءتۇرىن كۇتىپ باپتاۋ جەڭىل. بۇرشاق، تارى، زىعىر - ءداندى داقىلداردىڭ قايسى بولسىن ازىق رەتىندە جاراي بەرەدى. قازىر وڭىردە جۇزدەگەن كەپتەر ءوسىرۋشى بار. الايدا ولاردىڭ اراسىندا جاستار جوق، دەكوراتيۆتى كوگەرشىن ءوسىرۋ - ازىرشە ورتا جاستاعىلاردىڭ عانا قىزىعۋشىلىعىن تۋدىرۋدا.

СҚО тұрҠ

ۆاسيلي ستاركوۆتىڭ قۇس قوراسىندا كەپتەرلەردەن باسقا بودەنەلەر، ساندىك تاۋىقتىڭ 4 ءتۇرى بار. بەس جىل بۇرىن الماتىدان تاۋىستىڭ جۇبىن اكەلسە، بيىل بۇل قۇس العاش رەت جۇمىرتقا باسقان. ال جاقىندا قۇس ءوسىرۋشى ولاردىڭ قاتارىنا قىرعاۋىل اكەپ قوسپاقشى.

СҚО тұрÒ

СҚО тұрҠ 

سوڭعى جاڭالىقتار