12:45, 15 - ماۋسىم 2019 | GMT +6
ەمومالي راحمون قاسىم-جومارت توقايەۆتى پرەزيدەنت بولىپ سايلانۋىمەن قۇتتىقتادى
نۇر-سۇلتان. قازاقپارات - تاجىكستان پرەزيدەنتى ەمومالي راحمون قاسىم-جومارت توقايەۆتى قازاقستان پرەزيدەنتى بولىپ سايلانۋىمەن قۇتتىقتادى، دەپ حابارلايدى قازاقپارات.
«كۇن ءتارتىبىن تالقىلاماستان بۇرىن، قۇرمەتتى قاسىم-جومارت توقايەۆتى قازاقستان رەسپۋبليكاسىنىڭ پرەزيدەنتى بولىپ سايلانۋىمەن قۇتتىقتايمىن. وعان زور دەنساۋلىق، جاۋاپتى لاۋازىمدا ۇلكەن تابىس تىلەيمىن»، - دەدى ەمومالي راحمون ازياداعى ءوزارا ءىس-قيمىل جانە سەنىم شارالارى كەڭەسى ءسامميتىنىڭ اشىلۋىندا.
سونىمەن بىرگە، ول كەڭەستىڭ جاڭا مۇشەسى اتانعان شري-لانكا مەملەكەتىن قۇتتىقتادى.
ايتا كەتەيىك، دۋشانبەدە ازياداعى ءوزارا ءىس-قيمىل جانە سەنىم شارالارى كەڭەسىنىڭ V ءسامميتى ءوتىپ جاتىر. وعان قازاقستان پرەزيدەنتى قاسىم-جومارت توقايەۆ قاتىسۋدا.