+7 (701) 759 90 19 Лента
29 °С : Нур-Султан
24 °С : الماتى
USD 383.01 EUR 430.12
RUB 6.10 CNY 55.70
جاڭالىقتار

قاسىم-جومارت توقايەۆ ەمومالي راحمونمەن كەزدەستى

15 ماۋسىم 07:42 943
:ءبولىسۋ
قاسىم-جومارت توقايەۆ ەمومالي راحمونمەن كەزدەستى

دۋشانبە. قازاقپارات - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ تاجىكستان رەسپۋبليكاسىنىڭ پرەزيدەنتى ەمومالي راحمونمەن كەزدەستى، دەپ حابارلايدى قازاقپارات اقورداعا سىلتەمە جاساپ.

قاسىم- جومارت توقايەۆ نۇر-سۇلتان مەن دۋشانبە اراسىنداعى بايىرعى دوستىق قاتىناستار مەن ىنتىماقتاستىقتى اتاپ ءوتىپ، قازاقستاننىڭ سايلانعان پرەزيدەنتى رەتىندەگى العاشقى شەتەلدىك ساپارىنىڭ سيمۆولدىق ءمانى بار ەكەنىن ايتتى.

 - ازياداعى ءوزارا ءىس-قيمىل جانە سەنىم شارالارى كەڭەسىنىڭ سامميتىنە كەلەر بولساق، ءسىز وسى فورۋمنىڭ باسىندا تۇردىڭىز جانە ونىڭ باستاماشىلارىنىڭ ءبىرى بولدىڭىز. تۇڭعىش پرەزيدەنتىمىز - ەلباسى نۇرسۇلتان ءابىش ۇلى نازاربايەۆ 1992 -جىلى بىرىككەن ۇلتتار ۇيىمىنىڭ مىنبەرىنەن وسىنداي ۇسىنىس جاساعان بولاتىن. سول باستاما قولداۋ تاۋىپ، سودان بەرى بۇل ۇدەرىس تابىستى دامىپ كەلەدى. ءسىزدىڭ وسى ۇيىمنىڭ دامۋىنا زور ۇلەس قوسقانىڭىزدى تاعى دا اتاپ وتكىم كەلەدى. ال، قازىر، ءىس جۇزىندە وسى جيىندى باسقارىپ وتىرسىز، - دەدى مەملەكەت باسشىسى.


قاسىم-جومارت توقايەۆ ەمومالي راحمونمەن كەزدەستى 

قاسىم-جومارت توقايەۆ قازاقستان مەن تاجىكستاننىڭ كوپقىرلى قۇرىلىمدار مەن حالىقارالىق ۇيىمداردا ءبىر-بىرىنە قولداۋ كورسەتىپ كەلە جاتقانىن ايتىپ، وسى ىقپالداستىقتى جالعاستىرا بەرۋگە نيەتتى ەكەنىن جەتكىزدى.

تاجىكستان پرەزيدەنتى قاسىم-جومارت توقايەۆقا ءىلتيپات ءبىلدىرىپ، قازاقستان رەسپۋبليكاسىنىڭ پرەزيدەنتى بولىپ سايلانعاننان كەيىنگى ءبىرىنشى جۇمىس ساپارى ەكەنىن اتاپ ءوتتى.

- ەڭ الدىمەن، ءسىزدى قازاقستان رەسپۋبليكاسىنىڭ پرەزيدەنتى بولىپ سايلانۋىڭىزبەن قۇتتىقتايمىن. جوسپارلارىڭىز بەن باستامالارىڭىزدىڭ تابىستى جۇزەگە اسۋىنا تىلەكتەسپىن. سايلاۋ قورىتىندىسى حالقىڭىزدىڭ قازاقستاننىڭ ىشكى جانە سىرتقى ساياسي باعدارىن جۇزەگە اسىرۋ ىسىندەگى ساباقتاستىقتى قولدايتىنىن تاعى دا دالەلدەدى، - دەدى ەمومالي راحمون.


قاسىم-جومارت توقايەۆ ەمومالي راحمونمەن كەزدەستى 

تاجىكستان كوشباسشىسى قازاقستانمەن ىنتىماقتاستىقتىڭ ءوز مەملەكەتىنىڭ سىرتقى ساياساتىندا ماڭىزدى ورىنعا يە ەكەنىن اتاپ ءوتتى. ونىڭ پايىمداۋىنشا، بىرلەسكەن كۇش-جىگەردىڭ ارقاسىندا ەكى ەل اراسىنداعى ستراتەگيالىق ارىپتەستىك بولاشاقتا دا جەمىستى دامي بەرەدى.

كەلىسسوزدەر سوڭىندا تاراپتار دۋشانبە ءسامميتىنىڭ قاتىسۋشى ەلدەر ءۇشىن كەڭەس سامميتىنىڭ ارالىق جۇمىسىنىڭ قورىتىندىسىن شىعارۋعا، ايماقتاعى تۇراقتىلىق پەن قاۋىپسىزدىكتى قامتاماسىز ەتۋ ماسەلەلەرى جونىندە پىكىر الماسۋعا جانە بولاشاقتاعى باعىتتارى مەن باسىمدىقتارىن ايقىنداۋعا مۇمكىندىك بەرەتىنىن اتاپ ءوتتى.

 


قاسىم-جومارت توقايەۆ ەمومالي راحمونمەن كەزدەستىرەسمي
كەزدەسۋدەن كەيىن ەمومالي راحمون قاسىم-جومارت توقايەۆقا ءوزىنىڭ رەزيدەنسياسى - ۇلت سارايىن تانىستىردى. 


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات