كەمەلەرگە شابۋىلدى يراننان كورگەن ا ق ش ايىبىن تەگەران جوققا شىعاردى
دەپ جازدى يراننىڭ بىرىككەن ۇلتتار ۇيىمىنداعى ميسسياسى.
13 - ماۋسىمدا ومان شىعاناعىندا ەكى كەمەگە شابۋىل جاسالعان. بەلگىسىز بىرەۋلەر اۋەلى مۇناي تيەلگەن Front Altair تانكەرىنە شابۋىل جاساعان. كەمە نورۆەگياعا تيەسىلى ەدى. وسلونىڭ حابارلاۋىنشا، كەمەدە ءۇش جارىلىس بولعان. بورتتا بولعان 23 ادام تۇگەل قۇتقارىلعان. ەكىنشى ءبىر تانكەر - Kokuka Courageous پاناما تۋىمەن ءجۇزىپ بارا جاتقان. وعان ەكى رەت شابۋىل جاسالعان. بورتتا بولعان 21 ادام - فيليپپين ازاماتتارى. ءبىر ادام جاراقاتتانعان.
ۆاشينگتون شابۋىلدى يراننان كورەتىنىن مالىمدەدى. ا ق ش مەملەكەتتىك حاتشىسى مايك پومپەونىڭ سوزىنشە، ۆاشينگتون بارلاۋ قىزمەتىنىڭ قولدانىلعان قارۋ ءتۇرى جايلى اقپاراتىن نەگىزگە الىپ، وسىنداي توقتامعا كەلگەن. پومپەو ا ق ش- تىڭ يرانعا ەكونوميكالىق، ديپلوماتيالىق قىسىم جاساماعىن ايتتى. ول ۆاشينگتوننىڭ يراننان «كۇش قولدانۋ ارقىلى قورعانۋى مۇمكىن ەكەنىن» جوققا شىعارمادى.
مەملەكەتتىك حاتشى ا ق ش- تىڭ ومان شىعاناعىنداعى جاعدايعا بايلانىستى ب ۇ ۇ قاۋىپسىزدىك كەڭەسىنىڭ جيىنىن وتكىزۋگە شاقىرعانىن حابارلادى.
بۇل - پارسى شىعاناعىندا سوڭعى ءبىر ايدا كەمەلەرگە جاسالعان ەكىنشى شابۋىل.
11 - مامىردا ەكەۋى - ساۋد ارابياسىنا، قالعان ەكەۋى نورۆەگيا مەن ب ا ءا- گە تيەسىلى ءتورت تانكەرگە ومان شىعاناعىندا شابۋىل جاسالعان. بورت زاقىمدانعانىمەن، جاپا شەككەندەر تۋرالى اقپارات تاراماعان. نورۆەگيالىق تەرگەۋشىلەر شابۋىل جاساۋعا تاپسىرىس بەرگەن ەڭ باستى كۇدىكتى رەتىندە يراننىڭ يسلام ريەۆوليۋتسيا قورعاۋشىلارى كورپۋسىن اتاعان.
ا ق ش پرەزيدەنتىنىڭ ۇلتتىق قاۋىپسىزدىك بويىنشا كەڭەسشىسى دجون بولتون «شابۋىل كەزىندە يراندا ازىرلەنگەن مينالار قولدانىلعانىنا سەنىمدىمىن» دەگەن.
تانكەرلەرگە جاسالعان شابۋىلدى ءالى ەشكىم موينىنا العان جوق. تەگەران بۇل ىسكە قاتىسى جوعىن ايتادى.