20:40, 14 - ماۋسىم 2019 | GMT +6
وسكەمەندە ەكى شەنەۋنىك پارا العانى ءۇشىن سوتتالدى
وسكەمەن. قازاقپارات - سىبايلاس جەمقورلىققا قارسى ءىس- قيمىل جونىندەگى ۇلتتىق بيۋرونىڭ شىعىس قازاقستان وبلىسى بويىنشا دەپارتامەنتى ق ر ا ش م اگروونەركاسىپتىك كەشەندەگى مەملەكەتتىك ينسپەكتسيا كوميتەتى وسكەمەن قالالىق ايماقتىق ينسپەكتسياسىنىڭ باسشىسى ك. يشكيبايەۆ پەن وسى مەكەمەنىڭ باس مامانى ج. تۇياقبايەۆقا قاتىستى سوتقا دەيىنگى تەرگەۋ امالدارىن اياقتادى،
دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
ولار فيتوسانيتارلىق سەرتيفيكاتتار بەرگەنى ءۇشىن جەكە كومپانيالاردان پارا الۋ فاكتىسىمەن ايىپتالدى.
6 - ماۋسىمدا وسكەمەن قالاسىنىڭ №2 سوتى يشكيمبايەۆ جانە تۇياقبايەۆقا ايىپپۇل تولەۋ ۇكىمىن شىعاردى: يشكيمبايەۆ - 3,9 ميلليون تەڭگە، تۇياقبايەۆ - 805 مىڭ تەڭگە تولەيدى جانە لاۋازىمدى قىزمەت اتقارۋ قۇقىعىنان ءومىر بويىنا ايىرىلدى.