ا ق ش شىعىس ەۋروپاداعى اسكەري كۇشىن ارتتىرماق نيەتتە

None
None
نۇر-سۇلتان. قازاقپارات - ا ق ش پولشا اۋماعىندا بارلاۋشى ۇشاقتارىن ورنالاستىرادى، دەپ حابارلايدى «حابار 24».

 قۇراما شتاتتارعا ىسساپارىمەن بارعان پولشا پرەزيدەنتى اندجەي دۋدا مەن اق ءۇي باسشىسى دونالد ترامپ ءتيىستى قۇجاتقا قول قويدى.

 اتالعان كەلىسىمگە سايكەس امەريكانىڭ اسكەري كۇشى مەن تەحنيكاسىن ورنالاستىرۋعا شىعىس ەۋروپا ەلى قاجەتتى ينفراقۇرىلىممەن قامتاماسىز ەتۋى ءتيىس. ارينە، پولشا قاۋىپسىزدىك ماسەلەسىنە كەلگەندە ا ق ش- قا يەك ارتادى. الايدا ورتالىق ەۋروپا ەلدەرىنىڭ بۇعان قاتىستى كوزقاراسى ءارتۇرلى. ا ق ش- تىڭ ءبىر مىڭ اسكەرىن ءوز جەرىندە ورنالاستىرۋ ءۇشىن پولشا ارنايى نىساندار سالادى. اتاپ ايتقاندا، جاڭا ايەرودروم جانە بىرنەشە اسكەري دايىندىق ورتالىعىن سالۋ جوسپارلانعان. وعان قوسا قۇراما شتاتتاردىڭ قارجىلاي قولداۋىنسىز، ءوز اقشاسىنا سالاتىن بولادى. سونداي- اق اق ءۇيدىڭ باعىندا وتكەن باسپا ءسوز ءماسليحاتىندا دونالد ترامپ ەۋروپاعا قوسىمشا اسكەر جىبەرمەيتىنىن جەتكىزدى. ءبىراق گەرمانياداعى كۇشتى پولشاعا اۋىستىراتىنىن اڭعارتتى. وسىلايشا 2 مىڭ اسكەري قىزمەتكەر شىعىس ەۋروپا ەلىنە اۋىسۋى مۇمكىن.

دونالد ترامپ، ا ق ش پرەزيدەنتى:

 - پولشانىڭ قورعانىس سالاسىن جاڭعىرتۋعا كۇش سالعانى ءۇشىن پرەزيدەنت دۋداعا ايرىقشا قوشەمەت كورسەتكىم كەلەدى. سونداي- اق پولشانى ا ق ش- قا ۆيزاسىز كىرۋ باعدارلاماسىنىڭ تالاپتارىن ورىنداۋىمەن قۇتتىقتايمىن. بۇگىن ەكى ەل اراسىندا قىلمىسپەن كۇرەس جانە ونىڭ الدىن الۋ بويىنشا كەلىسىمگە قول قويىلدى. بۇل -  پولشا ءۇشىن اسا ماڭىزدى قادام. ارينە، الدا اتقارىلار ءىس ءالى دە كوپ. دەگەنمەن ۆيزاسىز كەلۋ باعدارلاماسى جۋىردا ىسكە اسىرىلادى دەپ سەنەمىن.

اندجەي دۋدا، پولشا پرەزيدەنتى:

 - پولشادا اسكەري بازا قۇرۋ شەشىمىن قولداعانىڭىزعا راقمەت. بۇل تەك پولشا عانا ەمەس، ورتالىق ەۋروپا، بالتىق ەلدەرى مەن ناتو- عا مۇشە ەلدەردىڭ قاۋىپسىزدىگى ءۇشىن ماڭىزدى. سىزگە ايتار العىسىم شەكسىز. بۇگىننىڭ وزىندە پولشادا ا ق ش- تىڭ 5 مىڭ اسكەرى ءجۇر. ولاردىڭ بارلىعى ناتو- نىڭ اسكەري وپەراتسياسى شەڭبەرىندە قىزمەت اتقارۋدا.

ترامپتىڭ شىعىس ەۋروپا اۋماعىنداعى اسكەري كۇشىن نىعايتۋ يدەياسىن ناتو- نىڭ باس حاتشىسى يەنس ستولتەنبەرگ قۇپ كورەدى: «ا ق ش- تىڭ پولشاداعى اسكەرىن ارتتىرۋ جونىندەگى شەشىمىن قولدايمىن. بۇل قۇراما شتاتتاردىڭ ەۋروپانىڭ قاۋىپسىزدىگى مەن ترانساتلانتيكالىق قاتىناسقا باسا ءمان بەرەتىنىن بىلدىرەدى».

سونداي- اق پولشا F-35 امەريكالىق جويعىش ۇشاقتارىنا تاپسىرىس بەرەدى. 30 ۇشاقتى ساتىپ الۋ جونىندەگى كەلىسىم ءالى جاسالماسا دا، ا ق ش پرەزيدەنتى دونالد ترامپ پولشانىڭ بۇل نيەتىن جايىپ سالدى. بۇعان نەگىز دە جوق ەمەس. ويتكەنى ۆاشينگتونعا ساپارى كەزىندە دونالد ترامپ پولشالىق ارىپتەسى مەن ونىڭ جۇبايىنا اسكەري ۇشاقتى تاماشالاۋعا شاقىردى.

 جالپى، پولشا ا ق ش- تى قورعانىس سالاسىنداعى سەنىمدى سەرىكتەسى دەپ ساناسا دا، قاۋىپسىزدىك ماسەلەسىندەگى امەريكانىڭ ءىس- ارەكەتىنە ەۋروپانىڭ كەي ەلدەرى كۇمانمەن قارايدى. جۋىردا عانا اتلانتيكالىق كەڭەس وسىعان قاتىستى بايانداماسىن جاريالادى. وندا كارى قۇرلىق ەلدەرىنىڭ ءبىرسىپىراسى ا ق ش- تان قاۋىپتەنەتىنى جازىلعان. دالىرەك ايتقاندا، پولشاعا كورشىلەس سلوۆاكيا تۇرعىندارىنىڭ 26 پروتسەنتى رەسەيدەن سەسكەنەدى. امەريكاعا قاتىستى بۇل كورسەتكىش اناعۇرلىم جوعارى -  40 پروتسەنت. سول سياقتى بولگاريا حالقىنىڭ 25 پروتسەنتى ا ق ش- تان قاۋىپتەنەدى. رەسەيدەن كەلەر قاۋىپتى بولگارلىقتار تەك 5 پروتسەنتكە باعالاعان.

www.24.kz

سوڭعى جاڭالىقتار