ەلوردادا ۇلتتىق قورعانىس ۋنيۆەرسيتەتىنىڭ تۇلەكتەرى ديپلوم الدى
وعان 150-دەن اسا ماگيسترانت قاتىستى. ءبىلىمىن شىڭداعان اسكەريلەر ەندى قازاقستاننىڭ قارۋلى كۇشتەرى مەن ۇجىمدىق قاۋىپسىزدىك كەلىسىمشارت ۇيىمىنا مۇشە ەلدەردىڭ وفيتسەرلىك كورپۋسىن تولىقتىرادى.
سالتاناتتى شاراعا قازاقستاننىڭ قورعانىس ءمينيسترى نۇرلان ەرمەكبايەۆ ارنايى كەلىپ، ۇزدىك ۇلگەرىممەن بىتىرگەن وفيتسەرلەرگە ديپلوم تابىستادى.
ايتا كەتەيىك، بۇل ۋنيۆەرسيتەت - ورتالىق ازيا ايماعىنداعى ەڭ ءىرى اسكەري وقۋ ورىندارىنىڭ ءبىرى. مۇندا رەسەي، ارمەنيا، قىرعىزستان، تاجىكستان ەلدەرىنەن كەلگەن كۋرسانتتار ءبىلىم الادى. بۇگىندە بىرىگەي ءبىلىم ورداسى 1500 دەن اسا اسكەري ماماندى دايىنداپ شىعاردى.
بەرىكجان امانوۆ، ۇلتتىق قورعانىس ۋنيۆەرسيتەتىنىڭ تۇلەگى:
- ۇلتتىق قورعانىس ۋنيۆەرسيتەتىنىڭ ماگيسترانتتارى بۇگىنگى ساتتە وقۋدى ءتامامداپ، ديپلوم الۋ كەزەڭىنە جەتىپ جاتىرمىز. ءبىتىرۋشى تۇلەكتەرگە ايتارىم، ق ر قارۋلى كۇشتەرىنىڭ جانە ەگەمەن ەلىمىزدىڭ ىرگەسىنىڭ تۇتاس بولۋى ءۇشىن العان ءبىلىمىمىز بەن جەتىستىكتەرىمىزدى تاجىريبەدە، وقۋ- جاتتىعۋدا قولدانۋىن تىلەيمىن.
www.24.kz