عالىمدار قانداي ادامدار تەز قارتاياتىنىن انىقتادى
ساراپتامالار جاستىق شاقتى ءوز كۇشىڭىزبەن دە ۇزارتۋعا بولاتىنىن كورسەتكەن. ءبارى بىردەي قارتايمايدى 2015 -جىلى ديۋك ۋنيۆەرسيتەتى، يەرۋساليمدەگى ەۆرەي ۋنيۆەرسيتەتى جانە لوندونداعى كورول كوللەدجىنىڭ عالىمدارىنان قۇرالعان حالىقارالىق توپ جاڭا زەلەنديانىڭ مىڭعا جۋىق ادامدارىنىڭ تالداۋلارىن مۇقيات زەرتتەگەن.
زەرتتەۋگە 26 جاستاعى ازاماتتار قاتىسقان. عالىمدار 12 جىل بويى ولاردان الىنعان تالداۋلاردى ساراپتاپ وتىرعان. زەرتتەۋ ناتيجەسىنە قاراعاندا، تاجىريبەگە قاتىسۋشىلاردىڭ كەيبىرى باسقالارعا قاراعاندا 3 ەسە تەز قارتايعان. ال كەيبىرى 12 ايدا 16,5 جاسقا ۇلعايىپ وتىرعان. تاجىريبەگە قاتىسۋشىلار 38 گە تولعاندا ولاردىڭ بيولوگيالىق جاسى 28 دەن 61 گە دەيىن بولعان. ساراپشىلاردىڭ ايتۋىنشا، قارتايۋ پروتسەسى كەزىندە سپورتپەن اينالىسۋ، دۇرىس تاماقتانۋ، تەمەكى شەكپەۋ ۇلكەن رول ويناعان.
بۇدان بولەك، رۋحاني جاسى فيزيكالىق جاسىنان ۇلكەن بولعاندار دا تەز قارتايعان. قوزعالىس - ءومىر كاليفورنيا ۋنيۆەرسيتەتى عالىمدارى دا ارىپتەستەرىنىڭ پىكىرىن ماقۇلدايدى. ولار 64 جاستان ۇلكەن 1,5 مىڭعا جۋىق ايەلگە تاجىريبە جۇرگىزىپ، قوزعالىسسىز كوپ وتىراتىندار ەرتەرەك قارتاياتىنىن انىقتاعان. مىسالى، كۇندەلىكتى 10 ساعات بويى كەڭسەدە وتىرىپ جۇمىس ىستەيتىندەر ۋاقىت وتە كەلە، قاتارلاستارىنا قاراعاندا 8 جاس ۇلكەن كورىنەدى ەكەن. "جاس كورىنۋدىڭ تاعى ءبىر قۇپياسى ءتاتتى تاعامداردان باس تارتۋ"، - دەيدى اعىلشىن مەن نەمىس گەنەتيكتەرى.
قوزعالىس - ءومىر. جاياۋ جۇرسەڭىز ءومىرىڭىز ۇزارا تۇسەدى. ساراپشى مەن عالىمداردىڭ جاياۋ ءجۇرۋدىڭ پايداسى تۋرالى زەرتتەۋلەرىن گيپپوكراتتان باستاۋعا بولادى.
ول وسىدان 2400 جىل بۇرىن: "جاياۋ ءجۇرۋ - ادام ءۇشىن ەڭ ءبىرىنشى مەديتسينالىق كومەك" دەپ ايتقان. كۇندەلىكتى جاياۋ ءجۇرۋ جۇرەك- قان تامىر اۋرۋىن 31 پروتسەنتكە ازايتادى. جاياۋ جۇرگەن ادامداردىڭ ءومىرى كوپ قوزعالماعان ادامدارعا قاراعاندا 32 پروتسەنتكە ۇزارعان. مىسالى، كۇندەلىكتى 2 شاقىرىمنان ارتىق جاياۋ جۇرەتىن ادامداردىڭ ءومىرى 22 پروتسەنتكە ۇزارادى. ال امەريكالىق عالىمدار ادام قانشا سابىرلى بولسا، سونشا جاس كورىنەتىنىن ايتادى.
Massaget.kz