22:11, 14 - ماۋسىم 2019 | GMT +6
قازاقستان قىتاي نارىعىنا العاش رەت بالمۇزداق شىعارا باستادى
نۇر-سۇلتان. قازاقپارات - ەلىمىزدە جىل سايىن 40 تان استام ەكسپورتتاۋشى قارجىلىق جانە سەرۆيستىك قولداۋ الادى، دەپ حابارلايدى «حابار 24».
2018 -جىلدىڭ قورىتىندىسى بويىنشا ەكسپورتتاۋشىلارعا 107 ميلليارد تەڭگەدەن استام قارجىلاي كومەك كورسەتىلگەن. مەملەكەت وتاندىق تاۋار وندىرۋشىلەرگە قولداۋ كورسەتۋدە. قازاقستان قىتاي نارىعىنا العاش رەت بالمۇزداق شىعارا باستادى.
ەلىمىزدىڭ يندۋستريا جانە ينفراقۇرىلىمدىق دامۋ ءمينيسترى رومان سكلريادىڭ ايتۋىنشا، ەكسپورتتى دامىتۋ ماقساتىندا بولىنگەن قاراجات بىرنەشە باعىتتى قامتيدى. مىسالى تاۋارلاردى ساقتاندىرۋ مەن كەپىلدىك بەرۋ كولەمىن ۇلعايتادى. ەكسپورتتاۋشىلارعا سەرۆيستىك قولداۋ كورسەتۋگە مۇمكىندىك بەرەدى. سونداي- اق شەتەلدىك نارىقتىڭ الشاقتىعى دا ەسكەرىلگەن. «وسى رەتتە بيىل العاش رەت كولىك شىعىندارىن وتەۋ قاراستىرىلعان. ونىڭ ىشىندە ءونىمدى تەمىر جول ارقىلى نەمەسە كولىكپەن تاسىمالداۋ ءۇشىن شىعىنداردىن وتەۋ كوزدەلەدى»، - دەدى ۆەدومسۆتو باسشىسى.