+7 (701) 759 90 19 Лента
22 °С : استانا
20 °С : الماتى
USD 378.83 EUR 430.99
RUB 6.04 CNY 55.05
جاڭالىقتار

ەر ادام باسىنا كىرىپ كەتكەن شەگەمەن ەكى جىل جۇرگەن

14 ماۋسىم 17:47 354
:ءبولىسۋ
ەر ادام باسىنا كىرىپ كەتكەن شەگەمەن ەكى جىل جۇرگەن

 نۇر- سۇلتان. قازاقپارات - رەسەيدىڭ حاباروۆسك وڭىرىندەگى ەلبان اۋلىنىڭ تۇرعىنى باسىنا كىرىپ كەتكەن شەگەمەن ەكى جىل ءومىر سۇرگەن. تاياۋدا دارىگەرلەر ونىڭ جۇتقىنشاعىنان بوگدە زاتتى الىپ شىقتى.

بۇل تۋرالى Stan.kz اقپارات اگەنتتىگى «گۋبەرنيا» باسىلىمىنا سىلتەمە جاساپ حابارلايدى.

ەر ادام ۇيىندە جوندەۋ جۇمىستارىن جۇرگىزىپ جاتقان كەزدە باسىنا قۇرىلىس شەگەسى كىرىپ كەتىپتى. باسىنداعى جارا ۇلكەن بولماعاندىقتان، ەر ادام وعان بريلليانت جاسىلىن جاعىپ، سول كۇيى ءمان بەرمەگەن.

2018 -جىلى پاتسيەنت اۋرۋحاناعا بارىپ، ەستۋ قابىلەتىنىڭ ناشارلاعانىنا شاعىمدانادى. وعان رەنتگەن جاسالىپ، ناتيجەسىندە باسىندا شەگە بار ەكەنى انىقتالعان.

دارىگەرلەر ونىڭ باسىنداعى شەگەنى الىپ تاستاۋ ءۇشىن وتا جاسادى. مەديتسينا قىزمەتكەرلەرىنىڭ سوزىنشە، حيرۋرگيالىق وتا پاتسيەنتتىڭ ولىمىمەن اياقتالۋى مۇمكىن ەدى. سەبەبى باسىنىڭ شەگە كىرىپ كەتكەن بولىگىنىڭ جانىندا ميدى قانمەن قامتاماسىز ەتەتىن تامىرلار بولعان. سونىمەن قاتار بوگدە زاتتىڭ ەر ادامنىڭ جۇتقىنشاعىندا تۇرعانىنا ەكى جىل بولعان. سونىڭ سالدارىنان جۇتقىنشاعى قابىنىپ، ءىرى قان تامىرلارى زاقىمدالا باستاعان. اعزاداعى مۇنداي وزگەرىستەر كوپ قان كەتۋىنە الىپ كەلۋى مۇمكىن كورىنەدى.

ابىروي بولعاندا، وتا ءساتتى ءوتتى. قازىرگى ۋاقىتتا ەر ادام اۋراحانادان شىعۋعا دايىندالۋدا.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات