+7 (701) 759 90 19
-25 °С : نۇر-سۇلتان
-6 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

قازاقستان شەتەلدەگى ەتنيكالىق قازاقتاردى قولدايتىن بولادى

14 ماۋسىم 16:44
:ءبولىسۋ
قازاقستان شەتەلدەگى ەتنيكالىق قازاقتاردى قولدايتىن بولادى

نۇر- سۇلتان. قازاقپارات - قازاقستان شەتەلدەگى ەتنيكالىق قازاقتاردى جانە وتانداستاردى قولدايتىن بولادى، دەپ حابارلايدى قازاقپارات.

ق ر ەڭبەك جانە حالىقتى الەۋمەتتىك قورعاۋ مينيسترلىگى، «وتانداستار قورى» ك ە ا ق جانە «دۇنيەءجۇزى قازاقتارى قاۋىمداستىعى» ر ق ب ەتنيكالىق قازاقتاردى، سونداي- اق شەتەلدە تۇراتىن وتانداستاردى قولداۋدى قامتاماسىز ەتۋ ماقساتىندا ءوزارا ىنتىماقتاستىق جانە ارىپتەستىك قاتىناستاردى نىعايتۋ تۋرالى مەموراندۋمعا قول قويدى.


null

قۇجاتقا ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ، «وتانداستار قورى» ك ە ا ق پرەزيدەنتى نۇرتاي ابىقايەۆ جانە دۇنيەءجۇزى قازاقتارى قاۋىمداستىعى ءتوراعاسىنىڭ ورىنباسارى زاۋىتبەك تۇرىسبەكوۆ قول قويدى.

«تاۋەلسىزدىكتىڭ العاشقى كۇنىنەن باستاپ تۇڭعىش پرەزيدەنت - ەلباسى ن. ءا. نازاربايەۆ شەتەلدە تۇراتىن ەتنيكالىق قازاقتارعا ەرەكشە كوڭىل ءبولىپ كەلەدى. سونىڭ ارقاسىندا وسى جىلدار ىشىندە ءبىزدىڭ ەلىمىزدىڭ دامۋىنا ەلەۋلى ۇلەس قوسىپ كەلە جاتقان ميلليوننان استام وتانداسىمىز قازاقستانعا ورالدى. ءوز كەزەگىندە، مەملەكەت ولارعا قولايلى جاعداي جاسايدى، ونىڭ ىشىندە جۇمىسقا ورنالاستىرۋ، وقىتۋ جانە ماتەريالدىق قولداۋلار بار. شەتەلدە تاريحي وتانىنا ورالعىسى كەلەتىن كوپتەگەن وتانداستار تۇرادى. سوندىقتان دا ءبىز قازاق دياسپوراسىنىڭ الەۋمەتتىك- ەكونوميكالىق، مادەني جانە ءبىلىم بەرۋ قاجەتتىلىكتەرىن بارىنشا قاناعاتتاندىرۋعا باعىتتالعان ناقتى شارالاردى بىرلەسىپ ازىرلەۋىمىز قاجەت»، - دەپ اتاپ ءوتتى بەردىبەك ساپاربايەۆ.

«قازاقتاردىڭ 5- دۇنيەجۇزىلىك قۇرىلتايىندا ۇلت كوشباسشىسى شەتەلدە وتانداستارعا مەملەكەتتىك قولداۋ كورسەتۋ باعىتتارىن ايقىندادى. ولاردىڭ قاتارىندا ەتنيكالىق قازاقتاردى شەتەلدە جان- جاقتى قولداۋ، قازاقستانعا كەلگەندەرگە قولداۋ كورسەتۋ، قازاق دياسپوراسى بويىنشا ءبىزدىڭ جۇمىسىمىزدى زاڭنامالىق تۇرعىدان سۇيەمەلدەۋ. قىسقا مەرزىمدە قازاق دياسپوراسىن مەملەكەتتىك قولداۋ تۋرالى زاڭ تۇجىرىمداماسىنىڭ جوباسى ازىرلەندى. مەملەكەتتىك باعدارلاما مەن قازاق دياسپوراسىن مەملەكەتتىك قولداۋ تۋرالى زاڭ جوباسىن ازىرلەۋ جالعاسۋدا»، - دەدى نۇرتاي ابىقايەۆ.

مەموراندۋم قازاق دياسپوراسىمەن مادەني- گۋمانيتارلىق بايلانىستاردى دامىتۋعا جاردەمدەسۋدى، ولاردى انا تىلىنە وقىتۋ ءۇشىن جاعداي جاساۋدى، شەتەلدەگى قازاق مادەني ورتالىقتارى مەن بىرلەستىكتەرىنىڭ قىزمەتىن كەڭەيتۋدى كوزدەيدى.

سونداي- اق مەموراندۋم اياسىندا تاراپتار ەلگە كەلگەن ەتنيكالىق رەپاتريانتتار ءۇشىن قولايلى جاعداي جاساۋ، قازاق دياسپوراسى تۋرالى زاڭنامالىق اكت ازىرلەۋ جانە وتانداستارعا قولايلى جاعداي جاساۋ جانە بەيىمدەۋ ءۇشىن ارنايى باعدارلامالار قابىلداۋ تۋرالى ۋاعدالاستى.

مەموراندۋمدى ءتيىمدى جۇزەگە اسىرۋ ماقساتىندا 2019 -جىلعا ارنالعان بىرلەسكەن ءىس- شارالار جوسپارى قابىلداندى.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات