+7 (701) 759 90 19
1 °С : نۇر-سۇلتان
7 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

جاسىل كىتاپ، اق كىتاپ: زاڭ شىعارۋدا ۇلى بريتانيا تاجىريبەسى ەنگىزىلۋى مۇمكىن

14 ماۋسىم 14:35
:ءبولىسۋ
جاسىل كىتاپ، اق كىتاپ: زاڭ شىعارۋدا ۇلى بريتانيا تاجىريبەسى ەنگىزىلۋى مۇمكىن

نۇر-سۇلتان. قازاقپارات - ادىلەت ءمينيسترى مارات بەكەتايەۆ زاڭناما ازىرلەۋ پروتسەسى قالاي جەتىلدىرىلىپ جاتقانىن ايتىپ بەردى، دەپ حابارلايدى قازاقپارات ءتىلشىسى.

«بۇگىن ۆەدومستۆوارالىق كوميسسيادا قۇقىقتىق قۇجاتتار تۋرالى ق ر زاڭىنا وزگەرىستەر مەن تولىقتىرۋلار ەنگىزۋ، زاڭنامالىق شىعارماشىلىقتى دامىتۋ، نورماتيۆتىك-قۇقىقىق قۇجاتتاردى ازىرلەۋ بويىنشا مەملەكەتتىك ورگانداردىڭ جۇمىسىن جەتىلدىرۋ ماسەلەسىن تالقىلايمىز. نەگىزگى باسىمدىق زاڭ جوبالارىن بەلسەندى تالقىلاۋعا، تىڭ امالدارعا بەرىلەتىن بولادى»، - دەدى مارات بەكەتايەۆ حالىققا ەسەپ بەرۋ كەزدەسۋىنەن كەيىن تىلشىلەردىڭ سۇراعىنا جاۋاپ بەرە وتىرىپ.

ءمينيستردىڭ سوزىنە سۇيەنسەك، زاڭ جوباسىنىڭ تۇجىرىمداماسىنا دەيىن كەز كەلگەن مينيسترلىك سالانى قالاي رەتتەۋ كەرەكتىگى تۋرالى امال-ادىستەردى ءبىلۋى ءتيىس.

«ءبىز ءارتۇرلى ەلدەردىڭ تاجىريبەسىن ساراپتاپ كوردىك. ولاردىڭ ەڭ قولايلىسى - ۇلى بريتانيا تاجىريبەسى. ول جاسىل جانە اق كىتاپ تۇجىرىمىنا نەگىزدەلگەن. جاسىل كىتاپ - مينيسترلىك پروبلەمانى ناقتى تالداپ، ءوز ويىن بىلدىرەتىن امال. بۇل جۇمىستى جۇرگىزۋ ءۇشىن ساراپشىلار توبى قۇرىلىپ، ناتيجەگە جەتۋ ءۇشىن بىرنەشە اي بويى جۇمىس جۇرگىزەدى. مينيسترلىك جوبانى ب ا ق بەتتەرىندە جاريالايدى»، - دەدى مينيستر.

مارات بەكەتايەۆ مۇنداي زاڭدار جاقىن ارادا قابىلدانبايتىنىن دا ەسكە سالدى.

«بۇل دەگەنىڭىز جالپى باعدار بار دەگەن ءسوز. جاسىل كىتاپ ءبىر جىلدان ەكى جىلعا دەيىن تالقىلانادى. قوعامنىڭ بارلىق بىرلەستىكتەرىمەن، ازاماتتارمەن بىرلەسە تالقىلانعاننان كەيىن وسى جوباعا باستاماشىلىق ەتكەن ساراپشىلار توبى قايتا شاقىرىلىپ، اقپارات تالدانىپ، جاڭا قۇجات جاريالانادى. ول قۇجات - اق كىتاپ (ءبىزدىڭ زاڭ جوباسى تۇجىرىمداماسىنىڭ بالاماسى). وسىنىڭ نەگىزىندە زاڭ جوباسى ازىرلەنەدى»، - دەدى مينيستر.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات