+7 (701) 759 90 19 Лента
22 °С : استانا
20 °С : الماتى
USD 378.83 EUR 430.99
RUB 6.04 CNY 55.05
جاڭالىقتار

قىزمەتكەرى جەمقورلىقپەن ۇستالسا، باسشىسى قىزمەتىنەن كەتە مە - ادىلەت ءمينيسترىنىڭ جاۋابى

14 ماۋسىم 13:51 827
:ءبولىسۋ
قىزمەتكەرى جەمقورلىقپەن ۇستالسا، باسشىسى قىزمەتىنەن كەتە مە - ادىلەت ءمينيسترىنىڭ جاۋابى

نۇر-سۇلتان. قازاقپارات - بەلگىلى ءبىر ۆەدومستۆونىڭ قىزمەتكەرى جەمقورلىق فاكتىسىمەن ۇستالسا، سول مەملەكەتتىك ورگاننىڭ باسشىسى قىزمەتىنەن كەتە مە؟

بۇل سۇراققا ادىلەت ءمينيسترى مارات بەكەتايەۆ جاۋاپ بەردى، دەپ حابارلايدى قازاقپارات ءتىلشىسى.

«سۇراق تۇسىنىكتى. مەن بۇل رەتتە بەلگىلى ءبىر جاعدايعا قاتىستى جاۋاپ بەرگىم كەلمەيدى. سەبەبى، ءوزىمنىڭ ارىپتەستەرىمنىڭ جاعدايىنا قاتىستى پىكىر ءبىلدىرۋ ورىندى دەپ ەسەپتەمەيمىن (ءبىلىم جانە عىلىم ەكس-مينيسترىنە قاتىستى - اۆت.). ال جالپى، مەملەكەت باسشىسىنىڭ بۇل رەتتە ۇستانىمى انىق. مەن پرەزيدەنتتىڭ ۇستانىمىن ارەكەت كەزىندەگى باسشىلىق دەر ەدىم. سونداي-اق، زاڭناما جوباسىن مەملەكەتتىك قىزمەت ىستەرى مەن سىبايلاس جەمقورلىققا قارسى ءىس-قيمىل اگەنتتىگى دايىنداعانىن ەسكە سالعىم كەلەدى. سەيسەنبى كۇنى ول زاڭ جوباسى پارلامەنتكە ەنگىزىلدى. مەملەكەتتىك قىزمەت سالاسىن جەتىلدىرۋگە ارنالعان بۇل زاڭ جوباسىندا «باسشىلار ءوزىنىڭ باعىنىشتى قىزمەتكەرلەرىنە جاۋاپتى، ەگەر باعىنىشتىنىڭ سوتپەن كىناسى دالەلدەنگەن جاعدايدا، سوت ۇكىمى كۇشىنە ەنسە، وتستاۆكاعا كەتۋى كەرەك» دەگەن نورما بار»، - دەدى مارات بەكەتايەۆ ەلوردادا حالىقپەن ەسەپ بەرۋ كەزدەسۋىنەن كەيىن تىلشىلەرگە بەرگەن سۇحباتىندا.

ەسكە سالا كەتسەك، قازاقستان پرەزيدەنتى قاسىم-جومارت توقايەۆتىڭ توراعالىعىمەن وتكەن ايدا جەمقورلىققا قارسى ءىس-قيمىل ماسەلەلەرى جونىندە جيىن وتكەن بولاتىن. مەملەكەت باسشىسى ەلىمىزدە جەمقورلىقتىڭ دەندەپ كەتكەنىنە الاڭداۋشىلىق ءبىلدىرىپ، بۇنىڭ قوعامعا قاۋىپتى دەرت ەكەنىن ايتتى.

«ەگەر ءبىز جەمقورلىقتى تۇبەگەيلى جويۋدى مىندەت ەتىپ الساق، مەنىڭشە، مەملەكەتتىك ورگان باسشىلارى مۇنداي جاعدايدا وتستاۆكاعا كەتۋى كەرەك. ولاردىڭ وتستاۆكاعا كەتۋىن قابىلداۋدى نەمەسە قابىلداماۋدى مەملەكەت باسشىسى شەشەدى. ءبىراق جۇمىستان بوساتۋ تۋرالى ارىز جازۋى مىندەتتى شارا بولۋى كەرەك»، - دەدى قاسىم-جومارت توقايەۆ.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات