قاسىم-جومارت توقايەۆ ش ى ۇ سامميتىندە ىنتىماقتاستىق ماسەلەلەرى بويىنشا ءسوز سويلەيدى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ بىشكەكتە شاعىن جانە كەڭەيتىلگەن قۇرامداعى جيىندارعا قاتىسادى.

بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي facebook-تەگى پاراقشاسىندا جازدى.

«بۇگىن شاڭحاي ىنتىماقتاستىعى ۇيىمى سامميتىنىڭ اياسىندا قازاقستان پرەزيدەنتى قاسىم-جومارت توقايەۆ بىشكەكتە شاعىن جانە كەڭەيتىلگەن قۇرامداعى جيىندارعا قاتىسادى. ش ى ۇ كەڭەيتىلگەن وتىرىسىندا قازاقستان پرەزيدەنتى ايماقتىق جانە ۇيىم شەڭبەرىندەگى ىنتىماقتاستىق ماسەلەلەرى بويىنشا ءسوز سويلەيدى»، - دەپ جازدى ول.

سامميت جۇمىسى ساعات 12:00-دە حابار24 ارناسىنان تىكەلەي ەفيردە كورسەتىلەدى.

ايتا كەتەيىك، قىرعىزستان استاناسى بىشكەكتە بۇگىن شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 19-وتىرىسى ءوتىپ جاتىر.

وندا شاڭحاي ىنتىماقتاستىعى ۇيىمىنىڭ دامۋى، جاي-كۇيى مەن كەلەشەگى تۋرالى پىكىر الماسىلىپ، وڭىرلىك جانە حالىقارالىق دەڭگەيدەگى وزەكتى ماسەلەلەر تالقىعا تۇسەدى.

جييىنعا قىرعىز پرەزيدەنتى س. جەەنبەكوۆ ءتوراعالىق جاسايدى.

كەڭەسكە قازاقستان پرەزيدەنتى قاسىم- جومارت توقايەۆپەن قاتار ءۇندىستان پرەمەر-ءمينيسترى نارەندرا مودي، ق ح ر ءتوراعاسى شي جينپيڭ، رەسەي پرەزيدەنتى ۆ. پۋتين، پاكىستان پرەمەر- ءمينيسترى يمران حان، وزبەكستان پرەزيدەنتى ش. ميرزيەيەۆ، تاجىكستان پرەزيدەنتى ە. راحمون، سونداي-اق اۋعانستان پرەزيدەنتى ا. گاني، بەلارۋس پرەزيدەنتى ا. لۋكاشەنكو، يران پرەزيدەنتى ح. رۋحاني، موڭعوليا پرەزيدەنتى ح. باتتۋلگا قاتىسادى.