پەداگوگتى باسى ارتىق جۇمىسقا جەككەندەر ايىپپۇل تولەۋى مۇمكىن
قازاقپارات ءتىلشىسى وندايعا جول بەرگەن تۇلعالارعا قانداي جازا بەرلەتىنىن ءبىلۋ ماقساتىندا ق ر ءبىلىم جانە عىلىم مينيسترلىگىنە ارنايى ساۋال جولدادى.
ق ر ءبىلىم جانە عىلىم مينيسترلىگىنىڭ اقپاراتى بويىنشا، «پەداگوگ مارتەبەسى تۋرالى» زاڭ جوباسىندا پەداگوگتى كاسىبي مىندەتتەرىنە بايلانىستى ەمەس جۇمىسقا تارتۋعا تىيىم سالاتىن ارنايى باپ قاراستىرىلعان.
«پەداگوگ ءوزىنىڭ كاسىبي مىندەتتەرىنە بايلانىستى ەمەس جۇمىس تۇرلەرىنە تارتىلاتىن بولسا، قازاقستان رەسپۋبليكاسى اكىمشىلىك قۇقىقبۇزۋشىلىق تۋرالى كودەكسىنە سايكەس ايىپپۇل سالىنادى. ءبىرىنشى رەت مۇعالىمنىڭ قۇقىعى بۇزىلعان جاعدايدا - ەسكەرتۋ، ەكىنشى رەت قايتالانسا - ايىپپۇل سالىنادى. ايىپپۇلدىڭ كولەمى ءالى قاراستىرىلۋدا»، - دەلىنگەن منيسترلىكتىڭ رەسمي جاۋابىندا.
ۆەدومستۆو ماماندارىنىڭ ايتۋىنشا، اتالمىش زاڭ جوباسى قازىرگى ۋاقىتتا مەملەكەتتىك جانە جەرگىلىكتى اتقارۋشى ورگانداردىڭ كەلىسۋىندە جاتىر.