قازاقستاندا ا ق ش تاجىريبەسىنە ۇقساس ۇيلەستىرۋ ورتالىعى قۇرىلادى
«ينۆەستيتسيا تارتۋ ۇكىمەتتىڭ الدىنداعى باستى مىندەتتەردىڭ ءبىرى. قازاقستاندا ءوز جوبالارىن ىسكە اسىرۋعا ۇمىتتەنگەن ينۆەستورلار مەنشىك قۇقىقتارى، ونىڭ ىشىندەگى زياتكەرلىك مەنشىككە قۇقىعى قورعالاتىنىنا سەنىمدى بولۋى كەرەك. 2018 -جىلدىڭ 20 -ماۋسىمىندا زياتكەرلىك مەنشىك سالاسىندا زاڭ قابىلداندى. زاڭنىڭ نەگىزگى جاڭاشىلدىعى: زياتكەرلىك مەنشىك نىساندارىن ءبىر ساتىلىق تىركەۋ جۇيەسىن قۇرۋ، تاۋار تاڭبالارىنا قۇقىقتار بۇزىلعان جاعدايدا زيان ءۇشىن وتەماقى تولەيتىن ينستيتۋت ەنگىزۋ، اۆتورلىق قۇقىقتى ەلەكتروندى تىركەۋ، تىركەۋ مەرزىمىن 20 جۇمىس كۇنىنەن 1 كۇنگە دەيىن قىسقارتۋ بولىپ وتىر»، - دەدى ادىلەت ءمينيسترى مارات بەكەتايەۆ ەلوردادا حالىقپەن ەسەپ بەرۋ كەزدەسۋىندە.
مارات بەكەتايەۆتىڭ ايتۋىنا قاراعاندا، اتالعان شارالار قولايلى ينۆەستيسيالىق كليماتتى قالىپتاستىرىپ، ونەرتاپقىشتاردىڭ يننوۆاتسيالىق بەلسەندىلىگىن ارتتىرۋدا.
«وسىلايشا، ۇلتتىق زياتكەرلىك مەنشىك ينستيتۋتى ءوز قاراجاتى ەسەبىنەن ەكسپو اۋماعىنان جاڭا عيمارات الدى. استانا- حابتا فرونت-كەڭسە اشىلدى. امەريكا قۇراما شتاتتارىنىڭ تاجىريبەسى بويىنشا IPR Center قۇرۋ جوسپارلانۋدا. ا ق ش-تىڭ ول ءبىرىڭعاي ۇيلەستىرۋ ورتالىعىنا 19 فەدەرالدى ۆەدومستۆو مەن 4 حالىقارالىق ۇيىم كىرەدى. بۇل جەدەل اقپارات الماسۋعا، قۇقىقبۇزۋشىلىققا ۋاقتىلى شەك قويۋعا، ۋاكىلەتتى ۆەدومستۆو قىزمەتكەرلەرىنىڭ بىلىكتىلىگىن ارتتىرۋعا ىقپال ەتەدى»، - دەدى مارات بەكەتايەۆ.