ديماشتىڭ جەكە البومىن ساتىپ الۋشىلار سانى سەكۋند سايىن ءوسىپ جاتىر

نۇر-سۇلتان. قازاقپارات - ديماش قۇدايبەرگەنوۆتىڭ تۇڭعىش جەكە البومى 37 سەكۋندتىڭ ىشىندە «پلاتينا» دەڭگەيىنە جەتكەن، دەپ حابارلايدى قازاقپارات.

بۇل جاڭالىقتى ول ءوزىنىڭ Instagram پاراقشاسىندا جاريالادى.

«ءبىر ساعات بۇرىن مەنىڭ العاشقى جەكە البومىم شىقتى. 37 سەكۋند ىشىندە «پلاتينا» دەڭگەيىنە جەتتى. ال ءبىر ساعاتتا 3 مارتە «پلاتينالىق» ساتىلىم مولشەرىنە شىقتى. وتە باقىتتىمىن. مەنى بارلىق باستامالارىمدا قولداپ كەلە جاتقان تىڭدارماندارىما كوپ راحمەت. مەنىڭ تابىسىم سىزدەردىڭ ارقالارىڭىزدا»، - دەپ جازدى ول ءوز پاراقشاسىندا.

مۋزىكالىق البومعا «پلاتينا» دەڭگەيى ساتىلىم مولشەرىمەن بەلگىلەنەدى. ونىڭ شەگى ءار ەلدە ءارقالاي ەكەنىن ايتۋ كەرەك. شوۋ-بيزنەسى دامىعان ا ق ش-تا بۇل دەڭگەي 1 ميلليون ساتىلىمنان باستالسا، رەسەيدە 100 مىڭدىق ساتىلىممەن ولشەنەدى.