بىشكەكتە ش ى ۇ-عا مۇشە مەملەكەتتەر باسشىلارى كەڭەسىنىڭ وتىرىسى وتەدى
شاراعا قازاقستان پرەزيدەنتى قاسىم-جومارت توقايەۆ قاتىسادى، دەپ حابارلايدى قازاقپارات ءتىلشىسى بىشكەكتەن.
ش ى ۇ-نىڭ دامۋ جاي-كۇيى مەن كەلەشەگى جايىندا پىكىر الماسىلىپ، وڭىرلىك جانە حالىقارالىق وزەكتى ماسەلەلەر تالقىعا تۇسەتىن وتىرىسقا قىرعىز پرەزيدەنتى س. جەەنبەكوۆ ءتوراعالىق جاساپ، ءۇندىستان پرەمەر-ءمينيسترى نارەندرا مودي، ق ح ر ءتوراعاسى شي جينپيڭ، رەسەي پرەزيدەنتى ۆ. پۋتين، پاكىستان پرەمەر-ءمينيسترى يمران حان، وزبەكستان پرەزيدەنتى ش. ميرزيەيەۆ، تاجىكستان پرەزيدەنتى ە. راحمون قاتىساتىندىعى كۇتىلەدى. مۇنان بولەك، شاراعا اۋعانستان پرەزيدەنتى ا. گاني، بەلارۋس پرەزيدەنتى ا. لۋكاشەنكو، يران پرەزيدەنتى ح. رۋحاني، موڭعوليا پرەزيدەنتى ح. باتتۋلگا قاتىساتىندىعى جوسپارلانعان.
مەملەكەت باسشىلارى 14 قۇجاتقا، ونىڭ ىشىندە 13 شەشىم مەن ش ى ۇ-عا مۇشە مەملەكەتتەر باسشىلارى كەڭەسىنىڭ بىشكەك دەكلاراتسياسىنا قول قويماق. سونىمەن قاتار وتىرىس اياسىندا باق، سپورت، دەنساۋلىق ساقتاۋ، ش ى ۇ-نىڭ حالىقارالىق بايلانىسىن كەڭەيتۋ سالالارىنداعى ىقتىماقتاستىقتى قامتيتىن 7 قۇجاتقا قول قويۋ كوزدەلەدى. قازاقستان تاراپى باستاماشىلىعىمەن ازىرلەنگەن دەنساۋلىق ساقتاۋ، ش ى ۇ-نىڭ «استانا» حالىقارالىق قارجى ورتالىعىمەن ءوزارا ءىس- قيمىلى، سيفرلاندىرۋ جانە اقپاراتتىق- كوممۋنيكاتسيالىق تەحنولوگيالار، «ش ى ۇ- اۋعانستان» بايلانىس توبىنىڭ مۇنان ارعى ءىس-قيمىلى سىندى سالالارداعى ىنتىماقتاستىقتى دامىتۋعا باعىتتالعان قۇجاتتار دا راسىمدەلمەك.
ايتا كەتەرلىگى، 2019-2020 -جىلدارى ۇيىمعا ءتوراعالىق رەسەي تاراپىنا وتەدى جانە شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ كەزەكتى وتىرىسى 2020 -جىلعا جوسپارلانعان.
