الەۋمەتتىك جەلى تاۋەلدىلىگى
وسى دامۋدىڭ جەمىسى بولعان ينتەرنەت، گادجەت سياقتى ونىمدەردى ورىندى، شەكتەۋلى قولدانباعان جاعدايدا ءبىرشاما كەلەڭسىزدىكتەرگە جول اشاتىنى اقيقات.
سونىڭ ءبىر مىسالى رەتىندە سوڭعى كەزدەردەگى ادامداردىڭ «whatsapp», «Instagram» سەكىلدى الەۋمەتتىك جەلىلەرگە دەگەن تاۋەلدىلىگىن اتاۋعا بولادى. الەۋمەتتىك جەلىگە تاۋەلدىلىكتى قالاي انىقتاۋعا بولادى؟ ماماندار مىنا تىزىمدەگى ەرەكشەلىكتەر قانشالىقتى سىزگە ءتان بولسا سونشالىقتى تاۋەلدى ەكەنىڭىزدى اڭعارۋعا بولاتىنىن ايتادى:
● كۇنىنە ءبىر ساعاتتان استام ۋاقىت الەۋمەتتىك جەلىدە وتىرۋ.
● ءار 5-10 مينۋت سايىن تەلەفوندى اشىپ قاراۋ.
● الەۋمەتتىك جەلىدە وتەتىن ۋاقىتتىڭ بارا بارا ازدىق ەتۋى.
● اقپاراتتاردى تىم كوپ ءبولىسۋ، كۇندە جازبا جاريالاپ، وعان ادامداردىڭ تالداۋ جازۋىن كۇتۋ، «لايك» كۇتۋ.
● الەۋمەتتىك جەلىگە كىرمەگەن كەزدە ءوزىڭىزدى جايسىز، اشۋلى، جابىرقاۋلى سەزىنۋ.
● قىلت ەتسە، ءسال مۇمكىندىك تۋسا الەۋمەتتىك جەلىگە كىرۋدى قالاپ تۇرۋ.
● ساباقتا، جۇمىستا، وتباسى ىشىندە كۇندەلىكتى جاۋاپكەرشىلىكتەرىڭىز بەن مىندەتتەرىڭىزدى كەشىكتىرۋگە سەبەپ بولۋ، ت. ب...
بولماشى كورىنگەنىمەن وسى تاۋەلدىلىككە بوي الدىرىپ، قۇتىلا الماي جۇرگەن قانشاما ادامدار بار. ماڭىزدىسى ادامداردىڭ مۇنىڭ تاۋەلدىلىككە اپاراتىندىعىن ۇعىنىپ، مۇنى بولدىرماۋ ءۇشىن الەۋمەتتىك جەلىلەردى شەكتەۋلى، ورىندى قولدانۋعا تىرىسۋى كەرەك. ماماندار مىنا تومەندەگى ەرەكشەلىكتەردى ورىنداۋعا كەڭەس بەرەدى:
● الەۋمەتتىك جەلىدە وتىرعان ۋاقىتتى بەلگىلەپ ءجۇرۋ، شامادان اسپاۋىن قاداعالاۋ.
● الەۋمەتتىك جەلى قوسىمشالارىنىڭ ەسكەرتۋلەرىن دىبىسسىز كۇيگە كەلتىرۋ.
● نەگىزگى بەتتەگى الەۋمەتتىك جەلى قوسىمشالارىن كورىنبەيتىن كەلەسى بەتكە ورنالاستىرۋ.
● الەۋمەتتىك جەلىدە وتەتىن ۋاقىتتىڭ كۇنىنە 30 مينۋتتان اسپاۋىن قاداعالاڭىز، ماسەلەن تۇسكە دەيىن 15 مينۋت، تۇستەن كەيىن 15 مينۋت. مەرزىم تولعاندا دەرەۋ جاۋىپ تاستاڭىز.
● ادامدارمەن جازباشا تۇردە ەمەس، قوڭىراۋ شالىپ نەمەسە كوزبە- كوز كەزدەسىپ سويلەسىڭىز.
● سپورت، كىتاپ وقۋ، سەكىلدى ءوزىڭىز ۇناتاتىن بەلسەندىلىكتەرگە ۋاقىت ءبولىڭىز.
● دوستارمەن كەزدەسۋلەردى جيىلەتىڭىز.
● وسى اتالعانداردى ورىنداعانمەن دە تاۋەلدىلىكتەن قۇتىلا الماساڭىز پسيحولوگتىڭ كومەگىنە جۇگىنىڭىز.
دەرەككوز bilim-all.kz