+7 (701) 759 90 19 Лента
20 °С : استانا
27 °С : الماتى
USD 383.69 EUR 429.08
RUB 5.97 CNY 55.39
جاڭالىقتار

ءتورت جۇمىسشىنىڭ ءولىمى: «استانا سۋ ارناسىنىڭ» لاۋازىمدى باسشىلارى تۇتقىندالدى

14 ماۋسىم 09:29 329
:ءبولىسۋ
ءتورت جۇمىسشىنىڭ ءولىمى: «استانا سۋ ارناسىنىڭ» لاۋازىمدى باسشىلارى تۇتقىندالدى

نۇر-سۇلتان. قازاقپارات - ءتورت كىسىنىڭ ولىمىنە اكەپ سوققان وقىس وقيعاعا قاتىستى مەكەمەنىڭ لاۋازىمدى تۇلعالارى كەشە ەلوردانىڭ ۋاقىتشا وقشاۋلاعىشىنا قامالدى، دەپ حابارلايدى قازاقپارات ءتىلشىسى.

نۇر-سۇلتان قالالىق پوليتسيا دەپارتامەنتى باستىعىنىڭ ورىنباسارى عازيز نۇرقايەۆتىڭ ايتۋىنشا، 23 -مامىردا ساعات 16.00 دە ەلوردادا «استانا سۋ ارناسى» مەكەمەسىنىڭ سورعىلىق ستانسياسى كارىزىنىڭ رەزەرۆۋارىندا دەمونتاجداۋ جۇمىسىن اتقارۋ كەزىندە ءتورت جۇمىسشى كوز جۇمعان. بىرەۋى مەديتسينالىق مەكەمەگە جەتكىزىلگەن.

«نۇر-سۇلتان قالالىق پوليتسيا دەپارتامەنتى 23 -مامىردا ەكى نەمەسە ودان دا كوپ ادامنىڭ قايتىس بولۋىنا اكەپ سوققان ەڭبەكتى قورعاۋ ەرەجەلەرىنىڭ بۇزىلۋىنا بايلانىستى سوتقا دەيىنگى تەرگەۋ امالدارىن باستادى. تەرگەۋ بارىسىندا ءبىرقاتار ساراپتاما مەن ارنايى تەكسەرۋ جۇمىستارى جۇرگىزىلدى. كۋاگەرلەردەن جاۋاپ الىندى. تەرگەۋ امالدارىن جۇرگىزۋ بارىسىندا «استانا سۋ ارناسى» مەكەمەسىنىڭ لاۋازىمدى تۇلعالارىنىڭ كىناسى انىقتالدى. وسى جىلدىڭ 13 -ماۋسىمىندا اتالعان فاكتى بويىنشا پوليتسيا دەپارتامەنتىنىڭ ۋاقىتشا وقشاۋلاعىشىنا «استانا سۋ ارناسى» مەكەمەسىنىڭ ەكى جەتەكشىسى ۆ. جانە م. قامالدى»، - دەپ حابارلادى عازيز نۇرقايەۆ.

ەسكە سالا كەتسەك، «استانا سۋ ارناسىنىڭ» 4 قىزمەتكەرى مەتان گازىنان ۋلانىپ كوز جۇمعانىن بۇعان دەيىن حابارلاعان بولاتىنبىز. ەلوردانىڭ پوليتسيا دەپارتامەنتى وسى وقيعاعا بايلانىستى قىلمىستىق ءىس قوزعادى.


باستى سوزدەر: قوعام, زاڭ جانە قۇقىق ,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات