داۋرەن ابايەۆ ميتينگ تۋرالى: قورقاتىنداي ەشتەڭە بولعان جوق
«حابار ارناسىنداعى «اشىق ديالوگ» باعدارلاماسىندا داۋرەن ابايەۆ ەلدەگى شەرۋلەردى قالىپتان تىس ەرەكشە جاعداي دەپ قاراماۋعا شاقىردى.
«بۇگىن عانا باس پروكۋراتۋرا مەن ىشكى ىستەر مينيسترلىگى سايلاۋ قارساڭىنداعى جاعدايلارعا قاتىستى تولىق مالىمەت بەردى. الايدا مەن مىناداي ماسەلە تۋرالى ايتقىم كەلەدى. ءبىز ءبارىمىز سايلاۋ دەگەن قوعامنىڭ بارلىق قاتپارىنىڭ ساياسي بەلسەندىلىگىن كورسەتەتىن كاتاليزاتور ەكەنىن ءتۇسىنۋىمىز كەرەك. پرەزيدەنتتى تاڭداۋ ارقىلى ادامدار ءوز بولاشاعىن تاڭدايدى. سوندىقتان دا ولار سايلاۋ ناتيجەسىنە بەي-جاي قاراي المايدى. وسى ەنەرگيا كوبىنەسە داۋىس بەرۋ ناتيجەسى جاريالانعاننان كەيىن ەموتسيالار تۋعىزىپ، پيكەتتەر مەن شەرۋگە ۇلاسىپ جاتادى»، - دەگەن مينيستر مۇنداي جايتتار الەمنىڭ باسقا دا ەلدەرىندە ءجيى بولاتىنىن اتادى.
«رەسەيدە دە، فرانسيادا دا، تۇركيادا دا، ا ق ش-تا، لاتىن امەريكاسى ەلدەرىندە دە ونداعان مىڭ ادام كوشەگە شىعىپ، پوليتسيامەن قاقتىعىسىپ جاتادى. كەيبىر ەلدەردە ونىڭ سوڭى ءتىپتى قيراتۋلارعا دەيىن جەتەدى. سوندىقتان، نۇر-سۇلتان مەن الماتى كوشەلەرىندە بىرنەشە ءجۇز ادامنىڭ قاتىسۋىمەن بولعان دەمونستراتسيالاردى قالىپتان تىس توسىن دۇنيە دەپ قاراستىرماۋ كەرەك. بۇل قالىپتى جاعداي. قورقاتىنداي ەشتەڭە بولعان جوق»، - دەدى ول.