+7 (701) 759 90 19
-3 °С : نۇر-سۇلتان
-4 °С : الماتى
USD 386.30 EUR 428.14
RUB 6.08 CNY 54.87
جاڭالىقتار

ق ر پرەزيدەنتى ەلورداداعى اشىق قۇدىقتارعا قاتىستى: بۇل - ماسقارا

14 ماۋسىم 07:15
:ءبولىسۋ
ق ر پرەزيدەنتى ەلورداداعى اشىق قۇدىقتارعا قاتىستى: بۇل - ماسقارا

نۇر-سۇلتان. قازاقپارات - الەمدىك دەڭگەيدەگى كەزدەسۋلەر ءوتىپ جاتقان قالادا اشىق قۇدىقتار ماسەلەسى ءالى دە شەشىمىن تاپقان جوق.

بۇل تۋرالى پرەزيدەنت قاسىم-جومارت توقايەۆ ەلوردا اكتيۆىمەن وتكەن كەزدەسۋ بارىسىندا ايتتى، دەپ حابارلايدى قازاقپارات «حابار 24» تەلەارناسىنا سىلتەمە جاساپ.

بۇعان دەيىن حابارلاعانىمىزداي، 13 -ماۋسىم كۇنى نۇر-سۇلتان قالاسىنىڭ اكىمى بولىپ التاي كولگىنوۆ تاعايىندالدى. اكتيۆ كەڭەسىنە شاھاردىڭ جاڭا باسشىسى مەن ەكس-اكىم باقىت سۇلتانوۆ قاتىستى.

شارا بارىسىندا مەملەكەت باسشىسى ءبىرقاتار الەۋمەتتىك تۇيتكىلدەردى كوتەردى. ولاردىڭ اراسىندا جولدار مەن اشىق ليۋكتەر ماسەلەسى دە بولدى.

«قاراڭىزدارشى، قىرۋار قارجى ءبولىنىپ جاتىر، ال جولدار شۇرىق-تەسىك. قۇدىقتار پروبلەماسى بار. بۇل ماسقارا. ەۋرازيا استاناسى اتالاتىن ەلوردادا ادامدار ليۋكتارعا قۇلاپ، جوعالۋدا. جانە ءبۇتىن ءبىر ۇكىمەت پەن اكىمدىك بۇل پروبلەمانى شەشە الماي وتىر. جەر بەتىندەگى ماسەلەلەرمەن اينالىسۋ قاجەت. اڭگىمەلەر مەن ادەمى سوزدەردى ازايتۋ كەرەك. بۇل قولىمىزدان كەلەدى، ءبىراق جۇمىس ىستەڭدەر. ەڭ ءبىرىنشى كەزەكتە، ادامدار ءۇشىن»، - دەدى پرەزيدەنت.

سونداي-اق ول كوشەدەگى قاۋىپسىزدىك تۋرالى ايتا كەلە، جاڭا اكىمگە قالانى ءومىر سۇرۋگە ودان ءارى ىڭعايلى ەتۋدى تاپسىردى. ۇيلەردىڭ قۇرىلىسىن جۇرگىزۋ، ينفراقۇرىلىمدى دامىتۋمەن قاتار، بالالار الاڭدارىن، سكۆەرلەر سالۋدى جۇكتەدى. بۇل رەتتە، الەمدىك يدەيالاردى قولدانۋ قۇپتارلىق ەكەنىن تىلگە تيەك ەتتى.

بۇدان بولەك، ق. توقايەۆ بيزنەسكە قولايلى جاعداي قۇرۋ جانە جاڭا جۇمىس ورىندارىن اشۋ ماسەلەلەرىن كوتەردى.

«احۋالعا جۇرگىزگەن اناليزدىڭ ناتيجەسى ادامدار جۇمىستىڭ جوقتىعىنا الاڭداۋلى ەكەنىن كورسەتىپ وتىر. سوندىقتان، بۇعان قاتىستى نارازىلىعىمدى بىلدىرەمىن. كەشە اكىمدەرمەن كەڭەس وتكىزدىم جانە ولاردىڭ جۇمىسىنىڭ باستى كورسەتكىشى قانشا جۇمىس ورنىن قۇرا العانىمەن ولشەنەتىنىن ايتتىم. ارينە، بۇل مىندەت ەل ەكونوميكاسىن دامىتۋدىڭ جالپى مىندەتىنەن تۋىنداۋدا. ەكونوميكا بارلىق حالىقتى ەڭبەكپەن قامتاماسىز ەتەتىندەي جۇمىس ورنىن ۇسىنا المايدى. ءبىراق سوعان ۇمتىلۋ كەرەك»، - دەدى ول.

قازاقستان پرەزيدەنتى سونداي-اق، حالىقتىڭ ماسىلدىق كوڭىل-كۇيىنە قاتىستى ايتىپ ءوتتى. كوپ جاعدايدا بوس ۆاكانسيالار بولادى. ءبىراق جۇمىس ىستەيتىن ادام تابىلمايدى.

«رەسپۋبليكالىق بيۋدجەتتىڭ 50 پايىزدان استامى - بۇل الەۋمەتتىك بيۋدجەت. ءبىز نەگىزگى قارجىنى مەملەكەتتى دامىتۋعا باعىتتاۋىمىز ءتيىس. وسى جۇمىستاردىڭ بارلىعى مۇقيات قايتا قۇرۋدى قاجەت ەتەدى. الەۋمەتتىك كومەككە كىمنىڭ شىنايى مۇقتاج ەكەندىگىن ناقتى ءتۇسىنۋىمىز كەرەك. جۇمىس ىستەي الاتىن، ءبىراق الەۋمەتتىك كومەككە قول سوزىپ وتىرعاندارمەن باسقاشا جۇمىس جۇرگىزۋ قاجەت. كەرى جاعدايدا، ەشبىر بيۋدجەت مۇنداي قىسىمعا شىداس بەرمەيدى»، - دەدى مەملەكەت باسشىسى.

ق. توقايەۆ ءمالىم ەتكەندەي، الداعى تاياۋ ۋاقىتتا بۇل سالانى دامىتۋعا باعىتتالعان ءبىرقاتار قۇجاتتارعا قول قويۋ جوسپارلانىپ وتىر.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات