+7 (701) 759 90 19
-25 °С : نۇر-سۇلتان
-6 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

ا ق ش پەن قىتايدىڭ ساۋدا داۋىنان الەم ەكونوميكاسىنا قاۋىپ كۇشەيدى

14 ماۋسىم 00:03
:ءبولىسۋ
ا ق ش پەن قىتايدىڭ ساۋدا داۋىنان الەم ەكونوميكاسىنا قاۋىپ كۇشەيدى

نۇر-سۇلتان. قازاقپارات - قىتاي مەن ا ق ش اراسىنداعى ساۋدا سوعىسىنىڭ شەگى بار ما. ەكى مەملەكەتتىڭ سالقىن قاباعى ءتىپتى ودان ءارى مۇزعا اينالۋى مۇمكىن.

سەبەبى رەسمي پەكين قۇراما شتاتتارمەن ساۋدا قاتىناسىن جاقسارتۋعا نيەتتى ەكەنىن بىلدىرگەنمەن ا ق ش- تىڭ ارەكەتىنە قارسى تۇرۋعا دايىن ەكەنىن مالىمدەدى.

حالىقارالىق قاۋىمداستىق بولسا ساۋدا سوعىسىنان الەم ەكونوميكاسىنا قاۋىپتىڭ كۇشەيگەنىن ايتۋدا. قىتاي مەن ا ق ش اراسىنداعى ساۋدا كەلىسسوزى مامىر ايىندا ناتيجەسىز اياقتالعاننان بەرى ەكىجاقتى قاتىناس ۋشىعىپ تۇر. كەشە بەيجىڭ امەريكانىڭ قىسىمىنا قارسى كۇرەستى جالعاستىرا بەرەتىندىگى تۋرالى تاعى مالىمدەمە جاسادى. سەبەبى، پرەزيدەنت دونالد ترامپ قىتاي كەلىسىمگە كەلمەسە شارانى كۇشەيتەتىنىن ايتتى. ا ق ش بۇعان دەيىن قىتايدان كەلەتىن تاۋارلارعا الىمدى 10 پايىزدان 25-پروتسەنتكە دەيىن وسىرسە، بەيجىڭ 5 مىڭ امەريكالىق ونىمگە باج سالىعىن ەنگىزگەن بولاتىن.

گەن شۋان، قىتاي سىرتقى ىستەر مينيسترلىگىنىڭ رەسمي وكىلى:

- قىتاي ساۋدا سوعىسىن جۇرگىزگىسى كەلمەيدى. ءبىراق ءبىز ەش نارسەدەن ودان قورىقپايمىز. ەگەر ا ق ش تەڭ دارەجەدە كەلىسسوز جۇرگىزەم دەسە ەسىك اشىق. الايدا امەريكا قازىرگى ۇستانىمىنان باس تارتپاسا ءبىز العان بەتىمىزدەن قايتپايمىز.

ءبىراق پرەزيدەنت دونالد ترامپ قىتاي ا ق ش- پەن ساۋدا كەلىسىمىن جاساۋعا مۇددەلى ەكەندىگىن ايتادى. اق ءۇي قوجايىنى ماسەلەنى ماۋسىمنىڭ 28-29- كۇندەرى جاپونيانىڭ وساكا قالاسىندا وتەتىن ۇلكەن جيىرمالىق سامميتى بارىسىندا تالقىلاۋعا نيەتتى.

دونالد ترامپ، ا ق ش پرەزيدەنتى:

- قىتاي ا ق ش- تىڭ باستى باسەكەلەسى. قازىر بۇل مەملەكەت بىزبەن ساۋدا كەلىسىمىن جاساعىسى كەلىپ وتىر. مەن ءتوراعا شي جينپيڭمەن ۇلكەن جيىرمالىق شەڭبەرىندە كەزدەسىپ، ماسەلەنى جان- جاقتى قاراستىرامىز دەپ ۇمىتتەنەمىن.

ال حالىقارالىق ۆاليۋتا قورىنىڭ باسشىسى كريستين لاگاردتىڭ مالىمدەۋىنشە، ەكى مەملەكەتتىڭ ساۋدا سوعىسى الەم ەكونوميكاسىنا كەرى اسەر ەتۋدە. تەكەتىرەستەن عالامدىق ەكونوميكانىڭ دامۋى قارقىنى باسەڭدەمەك.

كريستين لاگارد، حالىقارالىق ۆاليۋتا قورىنىڭ باسشىسى:

- ءبىزدىڭ بولجامىمىز بويىنشا ا ق ش- پەن قىتاي اراسىنداعى ساۋدا سوعىسىنان الەم ەكونوميكاسى كەلەسى جىلى 0,5 پروتسەنتكە تومەندەيدى. بۇل 455 ميلليارد دوللار. سالىستىرمالى تۇردە ايتساق ونىڭ كولەمى وڭتۇستىك افريكا ەكونوميكاسىنان كوپ. سوندىقتان مۇنداي تەكەتىرەستەن باس تارتۋ قاجەت.

رەسمي دەرەككە سۇيەنسەك ەكى ەلدىڭ ساۋدا اينالىمى سوڭعى 5 ايدا 14,5 پروتسەنتكە ازايىپ، 209 ميلليارد دوللاردى عانا قۇراعان. ساۋدا سوعىسى الەمدەگى قارا التىننىڭ قۇنىنا دا اسەر ەتىپ، ونىڭ باعامى ءبىرشاما تومەندەگەن. ءبىراق پرەزيدەنت دونالد ترامپ جاپونيادا قىتاي باسشىسىمەن كەلىسىمگە كەلە الماسا بۇل مەملەكەتكە قىسىمدى ودان ءارى كۇشەيتەتىنىن ايتىپ وتىر.

www.24.kz


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات