ۆاتساپ جاپپاي حابارلاما تاراتقانداردى سوتقا بەرەدى
نۇر-سۇلتان. قازاقپارات - WhatsApp مەسسەندجەردى پايدالانۋ ەرەجەلەرىن بۇزعاندارعا، سونىڭ ىشىندە بۇقارالىق نەمەسە اۆتومات تۇردە حابارلاما تاراتۋمەن اينالىساتىن ادامدارعا قارسى تالاپ ءىس قوزعاۋدى ۇيعاردى.
بۇل تۋرالى ر ي ا نوۆوستي پورتالى مەسسەندجەردىڭ رەسمي سايتىنا سىلتەمە جاساپ حابارلادى. «2019 -جىلدىڭ 7 - جەلتوقسانىنان باستاپ WhatsApp مەسسەندجەردى پايدالانۋ ەرەجەلەرىن بۇزعان، مىسالى، حابارلامالاردى اۆتومات نەمەسە جاپپاي تاراتۋمەن نەمەسە جەكە ماقساتتا ەمەس پايدالانعاندارعا (قوسىمشالار)، سونداي- اق، ولارعا كومەكتەسەتىندەرگە قارسى قۇقىقتىق ارەكەتتەر قولدانادى»، - دەلىنگەن مەسسەندجەردىڭ رەسمي سايتىنداعى حابارلامادا.
كەي كومپانيالار مەسسەندجەردىڭ ۇنەمى جەتىلدىرىلىپ وتىراتىنىنا قاراماستان، ونىڭ ماشينالىق جۇيەسىن ەلەگىسى كەلمەيدى، دەيدى كومپانيا وكىلدەرى.
«ءبىزدىڭ ءونىم جاپپاي نەمەسە اۆتومات حابارلامالارعا ارنالماعان، ول ءاردايىم مەسسەندجەردىڭ پايدالانۋ ەرەجەلەرىن بۇزۋ بولىپ سانالعان... WhatsApp - اۋەل باستان ادامدارعا دوستارى مەن جاقىندارىنا حات جىبەرۋ ءۇشىن جاسالعان، ول جەكە حابارلارعا ارنالعان پلاتفورما»، - دەپ جازىلعان مالىمدەمەدە.
اقپارات كوزى: Tengrinews.kz
- ءانشى جانە پوليتسەي: قوس ديماش نيۋ-يوركتە كەزدەستى
- توعىز جاسار ۆۋندەركيند ۋنيۆەرسيتەتتى تاستاپ كەتتى
- قۇستاردىڭ ادام سەنگىسىز قابىلەتى
- نورۆەگيادا «امىرە» فيلمى كورسەتىلدى
-
ديماش نيۋ- يوركتە «دايديداۋ» ءانىن ورىنداعان ساتتە كورەرمەن ورىندارىنان تۇرىپ، بىرگە شىرقادى
-
اسقار مامين ا ق ش-تا سيفرلىق دامۋ سالاسىنداعى الەمدىك كومپانيالاردىڭ باسشىلارىمەن كەزدەستى
