قاسىم- جومارت توقايەۆ اۋعانستان پرەزيدەنتى مۇحاممەد اشراف عانيمەن كەزدەستى
مەملەكەت باسشىسى اۋعانستان يسلام رەسپۋبليكاسىنىڭ پرەزيدەنتىنە ءىلتيپات ءبىلدىرىپ، ەكىجاقتى ىنتىماقتاستىقتىڭ جانە كوپجاقتى فورماتتاعى ءوزارا تىعىز ءىس- قيمىلداردىڭ جوعارى دەڭگەيدە ەكەنىن اتاپ ءوتتى.
- پرەزيدەنت مىرزا، سىزبەن شاڭحاي ىنتىماقتاستىق ۇيىمىنىڭ سامميتى اياسىندا بىشكەك قالاسىندا كەزدەسكەنىمە قۋانىشتىمىن. ءبىزدىڭ ەلدەرىمىز ىنتىماقتاستىقتا مول تابىسقا قول جەتكىزدى. الداعى ۋاقىتتا ءوزارا ىقپالداستىعىمىزدى كەڭەيتۋ ارقىلى بۇدان دا جاقسى ناتيجەلەر كۇتەمىن، - دەدى قاسىم- جومارت توقايەۆ.
مۇحاممەد اشراف عاني قاسىم- جومارت توقايەۆقا كەزدەسۋگە مۇمكىندىك جاساعانىنا ريزاشىلىق ءبىلدىردى. مەملەكەت باسشىسىن پرەزيدەنت سايلاۋىنداعى جەڭىسىمەن جانە قازاقستان پرەزيدەنتى قىزمەتىنە رەسمي كىرىسۋىمەن قۇتتىقتادى. اۋعانستان كوشباسشىسى قازاقستان حالقىنىڭ ءوز تاڭداۋى ارقىلى ەلدىڭ ستراتەگيالىق باعدارىنىڭ ساباقتاستىعىن تاڭداعانىن اتاپ ءوتتى.
كەزدەسۋ سوڭىندا قاسىم- جومارت توقايەۆ مۇحاممەد اشراف عانيدىڭ قىزمەتىنە تابىس تىلەدى.