ەلوردادا مۇعالىمدەرگە ارنالعان بوس ورىندار جارمەڭكەسى وتەدى

نۇر-سۇلتان. قازاقپارات - جۇما كۇنى، ياعني 14- ماۋسىمدا № 66 مەكتەپ- ليتسەيىندە پەداگوگتارعا ارنالعان بوس جۇمىس ورىندار جارمەڭكەسى وتەدى، دەپ حابارلايدى ەلوردا ينفو قالا اكىمدىگىنىڭ رەسمي سايتىنا سىلتەمە جاساپ.

جارمەڭكەگە سونداي- اق قوستاناي، پاۆلودار، ارقالىق، قاراعاندى جانە كوكشەتاۋ قالالارىنىڭ ج و و تۇلەكتەرى شاقىرىلدى. «جارمەڭكەنىڭ وتەتىن ورنى مەن ۋاقىتى: ساعات 10:00-13:00 ارالىعىندا د. قونايەۆ 33/1 مەكەنجايىندا ورنالاسقان № 66 مەكتەپ- ليتسەيى. بۇگىنگى ۋاقىتتا ەلوردالىق ءبىلىم مەكەمەلەرىندە 17 مىڭ ادام جۇمىس ىستەيدى»، -  دەلىنگەن ءبىلىم باسقارماسىنىڭ حابارلاماسىندا.

 قازىر بۇل سالاعا 150-دەن اسا مامان قاجەت. اسىرەسە مەكتەپكە دەيىنگى، باستاۋىش جانە ينكليۋزيۆتى ءبىلىم بەرۋ سالاسىنداعى پەداگوگيكالىق قىزمەتكەرلەر، سونىمەن قاتار جاراتىلىستانۋ- ماتەماتيكا باعىتىنداعى مۇعالىمدەر سۇرانىسقا يە.

www.24.kz