+7 (701) 759 90 19 Лента
20 °С : استانا
27 °С : الماتى
USD 383.69 EUR 429.08
RUB 5.97 CNY 55.39
جاڭالىقتار

بانكومات اقشا بەرمەسە نەمەسە كارتانى «جۇتىپ قويسا» نە ىستەۋ كەرەك؟

13 ماۋسىم 19:54 308
:ءبولىسۋ
بانكومات اقشا بەرمەسە نەمەسە كارتانى «جۇتىپ قويسا» نە ىستەۋ كەرەك؟

نۇر-سۇلتان. قازاقپارات - بانكوماتتان اقشا الۋعا بارىپ، قيىندىققا تاپ بولعان قازاقستاندىقتاردىڭ وقيعالارى جايلى كوپ ايتىلىپ تا، جازىلىپ تا ءجۇر.

  كەيدە كارتا «جۇتىلىپ»، سىنىپ نەمەسە «شاينالىپ» قالادى، اقشا دۇرىس سانالمايدى، شىقپاي قالادى. مۇنداي جاعدايدا نە ىستەۋ كەرەك؟

 20 جاستاعى الماتىلىق اسەل تاياۋدا بانكوماتتان 100 مىڭ تەڭگە اقشا الماق بولعان. ءبىراق كارتاسىن سالعان دا، اقشاسىن بەرمەگەن. ەكرانعا «ءسىز اقشاڭىزدى الىپ ۇلگەرمەدىڭىز» دەگەن ماعىنادا جازۋ شىققان ەكەن. ال شوتتان ءىس جۇزىندە اقشا الىنعان. اسەلدىڭ ايتۋىنشا، بانكوماتتان اقشا سانالىپ جاتقانى ەستىلگەن، الايدا شىعارماعان.

 «ءدال ۋاقىتى ەسىمدە جوق، ءبىراق ءبىر ساۋدا ۇيىندە ۇيگە جيھاز قاراپ جۇرگەنبىز. مەن جانە اپكەم. اقشانىڭ ءبارى مەنىڭ كارتامدا بولاتىن. تاپسىرىس بەرگەن سوڭ، تولەۋ كەرەك بولدى دا، جاقىن ماڭداعى بانكوماتقا باردىق. كەرەك قىزمەت پەن سومانى كورسەتكەننەن كەيىن، اقشا شىعۋى ءتيىس بولعان. بانكومات ىشىندە اقشا سانالدى، بىرنەشە مينۋت پروتسەسس ۇزدىكسىز قايتالانا بەردى دە، ەكرانعا «ءسىز اقشاڭىزدى الىپ ۇلگەرمەدىڭىز» دەگەن ماعىنادا جازبا شىقتى. ناتيجەسىندە بانكومات اقشا بەرمەدى، ءبىراق قىزمەت بويىنشا مەنىڭ كارتامنان اقشا الىنعان»، - دەيدى قىز.

مۇنداي جاعدايدا 2 ساعاتتىڭ ىشىندە شوتقا اقشا ءتۇسۋى كەرەك. «كەيىن بانككە حابارلاستىق. ولار «2 ساعات ىشىندە شوتىڭىزعا اقشا قايتا تۇسەدى، بولماسا كەلىپ ارىز جازۋىڭىز كەرەك» دەدى. ەكى ساعات كۇتتىك، تۇسپەدى. كەش بولعاندىقتان، كەلەسى كۇنى ارىز جازدىق. ءبىر كۇننىڭ ىشىندە اقشانى قايتارىپ بەردى»، - دەيدى اسەل. بانك قىزمەتكەرىنىڭ ايتۋىنشا، بۇل بانكوماتتان شىققان اقاۋ.

بانك اقشانى «جۇتىپ» قويسا

 الماتىدا ءۇش بانكومات ەر ادامنىڭ 240 مىڭ تەڭگەسىن «جۇتىپ» قويعان وقيعا دا بولعان. مۇندايدا بانك قىزمەتكەرلەرى قاتە كوبىنە اقشا سالىپ جاتقان ادامنان بولادى دەيدى. قارجى مەكەمەسى قىزمەتكەرلەرىنىڭ ايتۋىنشا، كليەنتتەرگە ىڭعايلى بولۋى ءۇشىن بانكومات ەكرانىنا ءتيىستى نۇسقاۋلار شىعادى. ءتىلدى تاڭداپ، قويىلعان تالاپتاردى مۇقيات وقۋ كەرەك. قابىلداۋ قۇرىلعىسىنا ءبىر ۋاقىتتا 50 كۋپيۋرا اقشا سالۋعا بولادى، ال قولدا بار اقشا ودان كوپ بولسا، كليەنتكە قاراجاتىن ءبولىپ، بىرنەشە وپەراتسيامەن سالۋ كەرەك.

كارتا بانكوماتتا قالىپ قويسا

كەيدە بانكومات كارتانى كەرى شىعارماي قويادى. ونىڭ سەبەبى سان الۋان. ولار: - بىرنەشە رەت PIN كودىن قاتە تەرسەڭىز؛ - مەرزىمى وتكەن نەمەسە بۇعاتتالعان كارتانى پايدالانساڭىز؛ - كارتادا مەحانيكالىق زاقىم بار؛ - بانكوماتقا كۇدىكتى وپەراتسيا جاساۋعا تىرىسساڭىز، مىسالى، شوتتاعى بارلىق قاراجاتتى شىعارۋ؛ - ەكرانىندا كورسەتىلگەن ۋاقىت وتكەنشە كارتانى الىپ ۇلگەرمەسەڭىز؛ - بانكومات بۇزىلعان نەمەسە ۇزاق جۇمىس ىستەيدى، اقاۋى بار.

مامانداردىڭ ايتۋىنشا، سوڭعى جاعدايدا بانكومات مۇلدە جۇمىس ىستەمەي قالادى نەمەسە وپەراتسيا كەزىندە اقاۋ بولعانى نەمەسە تەحنيكالىق اقاۋ بولعانى حابارلانادى. ودان كەيىن كارتانى قايتارماسا، كەي جاعدايدا بانكوماتتان تۇبىرتەك شىعادى. ونى تاستاماۋ كەرەك، ارىز جازعاندا كەرەك بولادى. ال تۇبىرتەك شىقپاسا، ۋايىمداۋدىڭ قاجەتى جوق. الدىمەن بانكوماتتاعى «كەرى» باتىرماسىن باسىپ كورۋ كەرەك. سوندا وپەراتسيا جويىلىپ، كارتا قايتۋى مۇمكىن. سوندا دا كارتانى الۋ مۇمكىن بولماسا، بانككە حابارلاسۋ كەرەك. ولار ءتيىستى شارانى قولدانادى. كەيىن بانكتىڭ ساياساتىنا قاراي بەلگىلى ءبىر ۋاقىتتا كارتانى قايتارا الاسىز.

 بانكومات كارتانى «شايناپ» تاستاسا

مۇنداي وقيعا سىزگە قىزمەت كورسەتەتىن بانكتىڭ بانكوماتىندا بولسا، كارتانى قايتارۋ ءراسىمى الدەقايدا وڭاي. «ول ءۇشىن الدىمەن بانككە بولعان وقيعانى حابارلاپ، ءوزىڭىز جانە كارتا تۋرالى اقپارات بەرىڭىز. بانك قىزمەتكەرلەرى قارتانى قايتارۋ ءۇشىن قانداي قۇجاتتار كەرەك ەكەنىن ايتادى. كارتانى بۇعاتتاپ قويۋ مىندەتتى ەمەس، ءبىراق جان تىنىشتىعىڭىز ءۇشىن جاساۋعا بولادى. سوسىن كارتانى الۋ ءۇشىن نە ىستەۋ كەرەك ەكەنىن سۇراڭىز. كوپ جاعدايدا بۇل «جۇتىلىپ» كەتكەن كارتانى قايتارعاننان تەزىرەك جۇزەگە اسادى»، - دەيدى بانك قىزمەتكەرى.

 كارتانى باسقا بانكتىڭ بانكوماتى قايتارماسا شە؟

 كارتا بوگدە بانكتىڭ بانكوماتىندا قالىپ قويسا، ەكى بانككە دە حابارلاسۋ كەرەك. الدىمەن بانكومات قىزمەت كورسەتەتىن بانككە تەلەفون شالىپ، كارتانى قالاي قايتارۋعا بولاتىنىن سۇراعان ءجون. «كەيىن ءوزىڭىزدىڭ بانككە حابارلاسۋ كەرەك. سەبەبى ءبىرىنشى بانك انىقتاما قاعازىن سۇراۋى مۇمكىن. بۇل جاعدايدا كارتانى مىندەتتى تۇردە بۇعاتتاۋ كەرەك. ءوزىڭىزدىڭ بانكتەن قوسىمشا كارتا سۇراڭىز. سەبەبى كارتا قايتارۋ ءراسىمى وتە ۇزاققا سوزىلۋى مۇمكىن. كەي بانكتەر بوگدە كارتانى جەكە ادامعا ەمەس، تەك ونى شىعارعان بانك ارقىلى قايتارادى»، - دەپ ءتۇسىندىردى قارجى ورتالىعىنداعىلار.

بانكومات اقشانى دۇرىس شىعارماسا مۇندايدا بانكومات بەرگەن تۇبىرتەكتى تاستاماۋ كەرەك. بولعان جايتتى ۆيدەوعا ءتۇسىرىپ العان دا ارتىق ەتپەيدى.

«الدىمەن بانك وپەراتورلارىنا حابارلاسقان ءجون. ولار كومەكتەسە الماسا، بانككە بارىپ، اقشانى قايتارۋعا ءوتىنىش جازۋ كەرەك. وعان جەكە كۋالىك جانە تۇبىرتەكتىڭ كوشىرمەسى كەرەك. كەيىن بانك زەرتتەۋ جۇمىسىن تاعايىندايدى. بانكوماتتا ينكاسساتسيا جاساعاننان كەيىن، ىشىندە ارتىق اقشا قالسا، بۇل دەرەك قۇجاتتارعا جازىلادى، مۇندايدا اقشانى قايتارۋ مۇمكىندىگى ارتادى»، - دەيدى بانك قىزمەتكەرى. بانك اقشانى قايتارۋدان باس تارتاتىن جاعدايلار دا بولادى. وندايدا سوتقا شاعىمدانعان دۇرىس.

www.24.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات