قىمبات تاماققا تاپسىرىس بەرگەن پرەمەر ءمينيستىردىڭ ايەلى مەملەكەت قارجىسىن وتەيدى

نۇر-سۇلتان. قازاقپارات - يزرايل پرەمەر- ءمينيسترى بينيامين نەتانياحۋدىڭ ايەلى سارا نەتانياحۋ قىمبات تاماققا تاپسىرىس بەرگەنى ءۇشىن مەملەكەتكە 55 مىڭ شەكەل (شامامەن 14 مىڭ ەۋرو) تولەيدى.

 

12 - ماۋسىمدا پروكۋراتۋرا مەن نەتاحياحۋ وسىنداي كەلىسىمگە كەلگەن. ەندى مۇنى سوت ماقۇلداۋى كەرەك.

ايىپتاۋ اكتىسىندەگى مالىمەتكە قاراعاندا، نەتانياحۋ پرەمەر- مينيستر رەزيدەنتسياسىندا اسپاز بارىنا قاراماستان، 2010-2013 - جىلدارى ۇيىنە قۇنى 175 مىڭ شەكەل (شامامەن 43 مىڭ ەۋرو) بولاتىن تاماق تاپسىرىس بەرگەن. اسپاز قىزمەتى مەملەكەتتىك بيۋدجەت ەسەبىنەن تولەنگەن.

پروكۋرورلار «نەتانياحۋ تاماق تاپسىرىس بەرۋ كەزىندە پرەمەر اكىمشىلىگىنىڭ بىلمەستىگىن پايدالاندى» دەپ ساناعان. نەتانياحۋدىڭ ءوزى ايىپتى جوققا شىعارىپ، تاپسىرىستى «بەلگىسىز ادامدار ەركىنەن تىس جاساعانىن» ايتقان.

www.azattyq.org