قازاقستان مەن قىرعىزستان باسشىلارى ش ى ۇ سامميتىنىڭ كۇن ءتارتىبى بويىنشا پىكىر الماستى
قاسىم- جومارت توقايەۆ ءوزىنىڭ قازاقستان رەسپۋبليكاسىنىڭ پرەزيدەنتى قىزمەتىنە رەسمي كىرىسكەننەن كەيىنگى العاشقى ساپارىن قىرعىز رەسپۋبليكاسىنان باستاعانىنىڭ سيمۆولدىق ءمانى بارىن ايتىپ، جىلى قابىلداعانىنا ريزاشىلىعىن ءبىلدىردى.
- ۇلىقتاۋ راسىمىنەن كەيىن بىشكەك قالاسىندا كەزدەسۋىمىز - جاقسىلىقتىڭ نىشانى. ءبىز جاقىندا نۇر- سۇلتان قالاسىندا كەزدەسىپ، ەكى جاقتى ىنتىماقتاستىقتىڭ ءبىرقاتار ماسەلەلەرىن تالقىلادىق. ءبىزدىڭ قازىرگى مىندەتىمىز - سول كەلىسىمدەردى جۇزەگە اسىرۋ، - دەدى قازاقستان پرەزيدەنتى.
قىرعىز رەسپۋبليكاسىنىڭ پرەزيدەنتى سوورونباي جەيەنبەكوۆ قاسىم- جومارت توقايەۆتى سايلاۋداعى جەڭىسىمەن قۇتتىقتاپ، بۇدان ءارى دە ەكى ەلدىڭ قارىم- قاتىناستارىنىڭ نىعايا تۇسەتىنىنە سەنىم ءبىلدىردى.
تاراپتار الداعى شاڭحاي ىنتىماقتاستىق ۇيىمى سامميتىنىڭ كۇن ءتارتىبى بويىنشا پىكىر الماستى.