+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

ون سەريالى «تولە بي» تەلەحيكاياسى كورەرمەنگە جول تارتادى

13 ماۋسىم 17:46 461
:ءبولىسۋ
ون سەريالى «تولە بي» تەلەحيكاياسى كورەرمەنگە جول تارتادى

نۇر- سۇلتان. قازاقپارات - ورتالىق كوممۋنيكاتسيالار قىزمەتىندە تۇركىستان وبلىسىنىڭ قۇرىلعانىنا 1 جىل تولۋىنا ارنالعان باسپا ءسوز كونفەرەنسياسى ءوتتى، دەپ حابارلايدى قازاقپارات ءتىلشىسى.

تۇركىستان وبلىسى اكىمىنىڭ ورىنباسارى مالىك وتاربايەۆ تۇركىستان قالاسىن تۇركى تىلدەس ەلدەردىڭ رۋحاني استاناسى رەتىندە تانىتۋ جوسپارلانعانىن ايتتى.

 «بۇل ماقساتتاعى جۇمىستار ءتورت باعىتتا جۇرەدى. ونىڭ ءبىرىنشىسى - ءوڭىردى زيارات مەكەنى رەتىندە تۋريستەرگە تانىتۋ. ەكىنشى باعىت - قوجا احمەت ياساۋي كەسەنەسىن الەمدىك ساۋلەت ونەرىنىڭ جادىگەرى رەتىندە ناسيحاتتاۋ. ءۇشىنشى باعىت - تۇركىستان قالاسىن وڭتۇستىكتىڭ ساۋدا ورتالىعىنا اينالدىرۋ. ءتورتىنشى باعىت - تۇركىستاننىڭ ۇلى ەسىمدەرىن ۇلىقتاۋ اياسىندا «ياساۋي تانۋ» ءىلىمىن دامىتۋ. وبلىستىڭ ءبىر جىلدىعىن اتاپ ءوتۋ ماقساتىندا اپتالىق جاريالادىق. سونىڭ اياسىندا رەسپۋبليكا كولەمىندە 46 شارا وتكىزۋ جوسپارلانعان»، - دەدى مالىك وتاربايەۆ.

تۇركىستان وبلىستىق مادەنيەت جانە تىلدەردى دامىتۋ باسقارماسىنىڭ باسشىسى نۇرداۋلەت يسابەكتىڭ ايتۋىنشا، وسى اپتالىق اياسىندا نۇر- سۇلتاندىق تۇرعىنداردىڭ نازارىنا بىرنەشە كينوتۋىندىنىڭ تۇساۋكەسەرى ۇسىنىلماق.

«وبلىسىمىزدىڭ ءبىر جىلدىعىنا وراي نۇر- سۇلتان قالاسىندا «ورداباسى - بىرلىك تۋى» انيماتسيالىق فيلمىنىڭ تۇساۋى كەسىلەدى. 25 مينۋتتىق «وقسىز وق» فيلمى مەن «تۇركىستان» انيماتسيالىق تۋىندىسى دا كورەرمەنگە جول تارتپاق. ال 10 سەريادان تۇراتىن «تولە بي» كينوحيكاياسىنىڭ قىسقارتىلعان نۇسقاسى فيلم رەتىندە كورسەتىلەدى»، - دەدى باسقارما باسشىسى.

اتالعان تۋىندىلار 14 - ماۋسىمنان باستاپ ۇلكەن ەكراننان تەگىن كورسەتىلە باستايدى. سونىڭ ىشىندە «تولە بي» حيكاياسى «حابار» ارناسىنان كورسەتىلۋى مۇمكىن.

«تولە بي» حيكاياسىن ءتۇسىرۋ ءۇشىن وبلىس بيۋدجەتىنەن 153 ميلليون تەڭگە بولىنگەن. ساتىبالدى نارىمبەتوۆتىڭ كوركەمدىك جەتەكشىلىگىمەن تۇسىرىلگەن تۋىندىنى «استانا كۇنى» قارساڭىندا «حابار» ارناسىنان كورسەتۋدى جوسپارلاپ وتىرمىز»، - دەدى نۇرداۋلەت يسابەك.

اۆتور: ەسىمجان ناقتىباي


ون سەريالى «تولە بي» تەلەحيكاياسى كورەرمەنگە جول تارتادى


ون سەريالى «تولە بي» تەلەحيكاياسى كورەرمەنگە جول تارتادى


ون سەريالى «تولە بي» تەلەحيكاياسى كورەرمەنگە جول تارتادى


باستى سوزدەر: مادةنيةت, قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات